هذه قصة الفارس / فراج بن ريفه القرقاح
وهو من قحطان من عبيده من قبيله الفهر من فخذ القراقحه
وقد حدث بينه وبين ربعه قتال .... وذلك عندما خاواه الذيب في طرقته وآمن من الذيب وامن الذيب منه ... وعندما عرف ان الذيب احب خوته ولم يقترب من ذلوله ... قام ابن ريفه بأطعام الذيب خلال طرقته حتى وصل الي ديار بني عمه وهي قد ذكرت في القصيده الا وهي ( طريب )
وعندما وصل جعل الذيب في غار قريب من مساكنهم لكي يتسني لابن ريفه بأكرامه .. وعندما رآوه جماعته فرحوا به لانه كان محبوباً عندهم غير انه كان فارساً لايشق له غبار
وعندما استعلموه ( وهذه عاده عندما يأتي المسافر من ديره ان يخبرهم بعلمه ) والمثل يقول ( ملح الرجال علومها )
وعندما أخبرهم بعلمه قال لهم معي خوي في ذاك الغار ولاتكرموني حتى تكرمونه .فقالوا له الله يحييك ويحييه قلطه علينا ليه تخليه في الغار فقال ضيفي اللي معي هو ( الذيب سرحان ) فقالوا له ماذا تقول قال لهم هذا ماتسمعونه فلما ادركوا انه صادق فيما قال قال له احدهم .هل فقدت عقلك . حنا نذبح الذيب لاياكل حلالنا وانت جايبه معك وتبينا نكرمه ونذبح له بعد والله اني لااروح أذبحه الحين وانت تشوف . فقال ابن ريفه هذا خوي ولاأحد منكم يتعرض له بسؤ فوالله اني لاذبحه . فقام احدهم وذهب الي الذيب وقتله . فسمع ابن ريفه عواه وادرك ان احدهم قد قتله . فدار القتال بينه وبينهم وقتل من قتل من جماعته ونجي بنفسه وتجلوى ( اي رحل بدون رجعه ) منهم وقال هذه القصيده التي ستقراؤنها كاملةً علماً بان اكثر الشعراء قد نسبها اليه ومنهم ( مخلد الذيابي العتيبي ) وغناها الفنان سمير الوادي منسوبةً للذيابي وهي الاغنيه التي تواكب مهرجان سباق الجنادريه قديماً كما تذكرون
قال أبن ريفه بدى في المرقب العالـي=بأعلي المراقيب تومـي بـه هبايبهـا
ما يدهله كون صافي الريش والوالـي=ولا الولع يوم يفنـك فـي عجايبهـا
هيضني الرجم وأنا مـن اول سالـي=لهم على القلب ديـران شطيـت بهـا
يا مرقب جاك من الأمطـار همالـي=نصوب صيف من المنشي يهـل بهـا
لهم عليه أشـدوق الثفـن لا سالـي=وعطفة طريب ليـا زافـت جوانبهـا
لما غدا الفيـض كنـه زرع عمالـي=سيله مـن القـدم للبطنـان ناهبهـا
كم مرةٍ قـد نزلنـا عشبـه المالـي=ببيوت لامن وزى المجرم يلـوذ بهـا
نبنـي بيـوت بـعـراف وجهـالـي=وأن جاء النذر من حفيف ما نرث هبها
بعوال مفلـح وهـم حمايـة التالـي=بمصـقـلات عطيـبـات ضرايبـهـا
صبيان قومي تحـل المنجـم الخالـي=كسابـه المـدح حمايـة ركايبـهـا
ربعي عبيدة وأنا من حربهـم جالـي=هل صبحه في الضحى تشعى كسايبها
وأنشد عبيدة هل الطالات مـن حالـي=وأنشد الاجانيـب يـوم إنـا نقاربهـا
من هو يقلط علـى فـرش وفنجالـي=سعدأبـن عمـه لياجاتـه مكاربهـا
لمـا غـدا بيـن نقـاض وفتـالـي=وصفـوا ألاجانيـب واذتـه بطلايبهـا
عديتهم ثم نسفت أبهم علـى الجالـي=نسف الدلي للمعدي صـوب جاذبهـا
فأن كان ربعي نسوني مانـي بغالـي=باعيـش فـي ديـرةٍ قفـر جوانبهـا
عسى هل الشين ما يبقى لهـم تالـي=وهل سلوك الـردي يـارب تذهبهـا
والـي رفيـع وللشطـات حمـالـي=أرفـع نواصيـه يـا ربـي وقطبهـا
أنا من الخبرة اللـي شورهـم عالـي=واما هـل البخـل بامـر الله نجنبهـا
يا راكب من على اللي مشيها ارمالي=مأمونـة يرفـع الهـلان غاربـهـا
تزهى السفايف وتزهى الخرج وحبالي=ومجرب لا سري في الليـل صالبهـا
حي الطويلة وحي اللي شراهـا لـي=من واحـد جابهـا للسـوق جالبهـا
شريتها في الدهر يوم ارخص الغالـي=بمية وعشريـن مـا يمهـل يغايبهـا
حديدهـا وأذكـر الله كنـه ريـالـي=كن الحيايـا تطـوى فـي مقاضبهـا
بنـة غراهـا زبـاد عنـد دلالــي=والا طموح هـواء الغربـي يلاعبهـا
لي بندق ماصنعهـا الصانـع التالـي=مـن دقـة المـرك نحـال خشايبهـا
عطو الطويله عريب الجـد والخالـي=وابن الردي لا تخلونـه يـزول بهـا
بيدي قـرار تكـف الجمـع لانهالـي=طويلـةٍ ناحـل مـقـدم خشايبـهـا
وأضرب بها الوعل لمنـه تهيـا لـي=أبـو حنيـة كبيـر الـراس شايبهـا
لا ثار بارودهـا الـي العـود متالـي=منهـا الريايـا مقطـعـة نشايبـهـا
ضربت عشـر بهـا والفـي مامالـي=والحاديـه روحـت تثلـغ مضاربهـا
واقف مع لابتي اومنـع بهـا التالـي=لا هاب ولـد الـردي معـاد يزهبهـا
اليا لفونـا مـن المقنـاص زعالـي=أحد مـدح بندقـه وأحـد يعـذر بهـا
بشرتهم بالعشامـن عقـب مقيالـي=والقايدة من مـرد الكـوع ضاربهـا
واسرح بها في السحر مانيب كسالـي=وكم جملـةٍ فرقـت منهـا ربايبهـا
يا الله وأنـا طالبـك حمراهـو بالـي=حمراء من الجيـش طفـاح جنايبهـا
لا روح الجيش حادية اشهـب اللالـي=ليهي تـروح وسيـع صـدر راكبهـا
اللي علـى كورهـا ولـي بالحبالـي=واللي على عيزهـا واللـي بغاربهـا
لاروحت مع تخاتيـخ الخـلا الخالـي=كن الذيابـة تنهـش مـن جوانبهـا
فاستغفـر الله وحـده فوقنـا عالـي=حطيـت فـي حفـرة رزوا نصايبهـا
وســـــــــلامتكم ........
وتقبلـــــــــوووووووو تحيـــــــــاااااااتي اخوكم : ثامر الدوسري .........
17-04-2007, 03:32 PM
العرض العادي
