من لقالي سالم جخير : للشاعر نادر بن جخير

[aljarih]

اضع بين ايديكم هذة القصيدة للشاعر نادر بن جخير ومسندها لاخيه الغالي الشاعر سالم بن جخير
واتمنى ان تحوز على رضاكم


من لقالي سالم جخير عنـدي لـه سـؤال=شاعرٍ يعرف خفى الامر والسـر الدفيـن
علمـوه ان المواجـع بصـدري لاتـزال=واتعزز عـن همومـي واقـول الله يعيـن
صابرٍ والصبر طـول ولا جالـي مجـال=بس انا باقـول ذلحيـن ويعـرف الفطيـن
ياعضيدي وانت فزعـة كريميـن السبـال=طالبك طلبـه وقـل تـم والقاسـي يليـن
((بحذف الغتره وابا صيح واحذف بالعقال))=صحت لك صيحه يقومون منهـا النايميـن
والرجال اهل الحميـا يعرفـون الرجـال=ومطلبي ياخـوك مابـه يسـار ولا يميـن
وانت واعدني بحاجه وطال الصبـر طـال=والوعد وين الوعد دام وعـد الحـر ديـن
بعد تكفى وش تبـي مابعـد تكفـى جـدال=مابقى غيـر السهـر والتعاسـه والونيـن
جيت صوبك وانت رجلٍ يشيل امن الثقـال=وادري انك فزعتلي علـى طـول السنيـن
وانت تفهمني وجاوب على قـدر السـؤال=وانت شاعر تعرف العلـم والسـر الدفيـن



وسلامتكم : للشاعر نادر بن جخير

[مسفر بن حمران]

الله لا يهينك اخوي الجريح وصح لسان شاعرها ولسانك

[شحيمآن ال شحيمآن]

آموت وآعرف وش كآن موآعده فيه <- فضووولي

الجريح مشكور ولآ تحرمنآ من ذووقك الجميل


ويعطيك الف الف الف عآفيه يآ’رب

آخوك الصغير شحيمآ’ن

[الخيال الحر]

صــــــــــــــــــــح الله لسانك ..... ولسان الشاعر
اللى قال ها الابيات الطيبه
وتسلم انــــــــــاملك الطيبه والذهبيه