الفارس و الشاعر محمد الطويل

[اخت الحسام]

السلام عليكم ورحمة الله وبركاته

أسمحولي أخواني و أخواتي أعضاء وعضوات منتداي الغالي أن أنقل لكم هذه السطور التي سطرت في مجد وعظمة و تاريخ الفارس و الشاعر العظيم محمد الطويل الذي أهني به أبناء آل حبيش خاصه وأبناء العجمان عامه فهنيـئآ لكم..
..أترككم الأن مع أحداث القصه..

محمد الطويل هو فارس مشهور من آل حبيش, ومن عاداته أن يقود جواده في كل معركه قبل جماعته,
لأنه يتحمس كثيرآ للقتال, وربما يفقد شعوره عندما تتقابل الجموع, وإذا لم يسيطر على جواده فإنه يرمي بجواده في المعركة, عندما يتقابل الفريقان, ويضرب بهم ضربآ مروعآ.
عندما طعن بالسن كان له ولد شجاع وفارس ماهر, وفي يوم من الأيام حدث قتال بين العجمان وبني هاجر,وأثناء المعارك قدم بنوهاجر فنجانآ من القهوة العربية و قالوا:
-هذا فنجان محمد الطويل فمن يشربه؟
فتبرع بشربه فارس من عنزه كان مع صفوف بني هاجر, يسمى ضرباح, واشترط على ابن شافي أن
يزوجه ابنته إذا تغلب على الخصم, فقال له ابن شافي:
-إذا رميت الطويل فإن ابنتي تكون زوجة لك أمام جميع الحاضرين.
وفي الصباح تقابل الفريقان, وبرز ضرباح يسأل عن محمد الطويل, وفي هذه الأثناء تقدم ولد الطويل إلى
أبيه, وقال له:
-دعني يا أبي أقابله, فأنت أصبحت الآن كبير السن, وأنا أخشى عليك من القدر.
فقال محمد الطويل مخاطبا ابنه:
-إن هذا الرجل لن يقابله أحد غيري .
فتلقاه محمد الطويل وطعنه في صدره بالرمح وألقاه قتيلآ, و بعد ذلك رأى أحد فرسان بني هاجر ضرباح
وهو قتيل ومرمي على الأرض, فقال: زوج ضرباح ياشافي.
ثم أخذ محمد الطويل وهو يمتطي جواده بكل شموخ, فقال هذه الأبيات:

يامن لقى لي شارب الفنجال==شراب فنجال الطويل
كانك شجاع فانطـح الخيـــال==وافعل ليـاهاب الذليل
وأنا على مثل الغــــــــــــزال==ترفع بسمك الراس والشليل
عيب على اللي ماوفى لا قال==وضرباح ماهولي عديـــــل

أتمنى أن ينال أختياري لهذا الموضوع
على أعجابكم ورضاكم وشكرآ لكم

أختكم/أخــت الحســــام

[قاصد الخير]

سؤلنا كبار العجمان عن هذه السالفه ونفوها

السالفحه صحيحه ولكن نفوووو العنزي ضرباح الي ما ادري من جاي
وهذي قصيده ملفقه واضن العجمان في غنا عن هالسوالف

لان ماصار ان عنزي كان مع بني هاجر ولا صار ابن الامير ابن شافي قاله بزوجك بنتي

وفريس وقروووم الهواجر قاعدين السالفه معروفه والفارس الي برز للطويل هو عجب الي مايتجاوز عمره 16 سنه وكان يتحلى بصفات الفرسان الفذه


الفارس الطويل ونعم فيه لكن يا محلف اتركو منكم هذه السالفه الي نفاها الدامر المشهور بمصداقيته امام القبائل






تحيتي

[اخت الحسام]

أشكرك على مرورك أخي
ضاري الهاجري
ومشكور على التوضيح
أختك/أخـت الحســام

[الاحرش]

لاهنتي


أختي/أخـت الحســام


على القصه والقصيده

[اخت الحسام]

مشكور
يالاحرش
على المرور
أختك/ أخــت الحســام

[@الشيــــــــــــنه@]

تسلمـين اخـتي اخت الحـساااام



انا شخصيا قاريتها بكتاااب عاد مدري اذا هي صحيحه او لأ



ع العموم لاهنتي على النقل


والله يرحم الفارس محمد لطويل

[اخت الحسام]

أشكرك على المرور
الي يزيدني شرف
عزيزتي الشينه
أختك/أخـــت الحســـــام

[شيخ الشيوخ]

ضاري الهاجري ,

لا ما نفوها .. ولا أحد نفاها وهذي مشهوره .. اما سالفة ابن ذيغان .. فغير .. حيث هو اشجع فريس بني هاجر .. وما احد قدر يتجرأ ويشرب فنجال الطويل من بني هاجر الا هو ..من محاقة حظه ..

وقد قطع رأسه محمد الطويل .. وذبه على أبوه اللي حضر المعركة ..

وابن ذيغان مهوب 16 سنه مثل ما قلت مدري من وين جايب هالحكي الماصخ .. الا رجال من روس بني هاجر أفرس منهم كلهم يوم محد مد ايده على فنجال الطويل .. ويركب الخيل ويطارد الرجاجيل والله رمى به في بير الأدراك الله يرحم جميع موتى المسلمين .

[قاصد الخير]

ابعلمك ياشيخ منهم الرجال الشرفاء الي نفو سالفه العنزي المبتدعه من الخيال الواسع
وهي في احدى منتديات العجمان وكان اللقاء مع شايب فيه خير يذكر السوالف ورجال مايبخص روس القبايل حقوقها واخذ السالفه :

السلام عليكم ورحمة الله وبركاتة .
يا اخوي \ نايف 977 : ولد صالح .
اما بالنسبة لضرباح العنزي الذي شرب فنجال الطويل فهذا كلام غير صحيح لان بني هاجر فيهم فرسان يشربون فنجال الطويل وغير الطويل .
والي شرب فنجال الطويل فهو من عيال بني هاجر وكان صغير السن وهو قبل مواجهة الطويل واجه المرضف امير ال مرة وغدى من صيد امس <قتلة> وصوب الطويل في ظهرة ويقول الصبي الهاجري وهذا الرد يثبت ان الولد الهاجري هو من قابل الطويل :
صفرا محنات الشليل ****ماخجها كثر الهوايا .
علي مواجهة الطويل ****إلا التقن حمر المنايا.

وفي نفس الهية قابل حمد العوامي < راعي الحصان> الي طرح راكان من حصانة .
صوب الطويل في وجهة < رثمة على خشمة>وهذي قصيدة حمد العوامي في نفس الهية الي واجه فيها الطويل واسم الهية <الريع> والهية كانت من صالح بني هاجر :
ياليتني يوم التـــــــقن الشنيفين*****اني علــــــى ألي خاطــــــري بتمنا
لوان اهل خيلي لشورى مطيعين*****ان كان غوجـــه ما سلـــمه طعنا
اوسومنابخشــومهم بالعرانيـن***** في <الريع >يوم اقفو هل الخيل منا
كله لعنا لابســـــات السبــــاهين*****واللي بعــيد ويرقب العلم منـــــــا
امدح نهار الكون ربعن شهــاوين***** ربعن علــــــى راس المصوب تثنا

هذي قصيدة الفارس حمد العوامي في حصانة بعدما طلب راكان حصان العوامي من حاكم البحرين \ محمد بن خليفة :
يالله يالي لاطلبتة عطاني **** ياغافر الزلات ياخير معبود.
تفرج لمنهو كاسبن المعاني *** ذرب الفعايل مايجي درب منقود .
ياطارشي هيا الى من طراني ** رز الشراع وحين ماهبت النود .
من العقير تسير والفجر باني ** واحذر على صدرة من الفشت وحيود.
ملفاك محمد سور ذيك المباني ** ياسعد من جالة من البعد مضهود.
براحتة غنا بها المطرباني **** ولا بعد رد من مجلسة مطرود.
ياشيخ منك طارشن قد لفاني ***اخذ الجواب اذرب ياترثت الجود .
ياشيخ لاتطري الثمن في حصاني ** والله لو تدفع ورا الاف بالزود.
غوجي حسين ادل شقص الاذاني ** حلفت مايهدى على حاكمن قود.
ابغي الى رد البرا من اخواني *** لينه كما العفري مع مقدم الذود.
يبرى لخلفاتن قمعها سماني ****وشلفن تلضا حاشين جبها العود.
مع بني عمي تشيل الوحاني ****هواجرن تقدم على الطيب وتزود.
رديت انا غوجي عليهم بياني****والحقت انا هل قصر الخيل بشود.
ثم انشدوا راكان يوم التقاني****والخيل من ظرب المزاريج يبود.


وهذا رابط من موقعكم

http://www.alajman.net/vb/printthread.php?t=5006&pp=40

[شيخ الشيوخ]

أستغفر الله
أنت وينك غادي يا الهاجري ؟! ... اشهد بالله ان كتاب ابن نعيرية الهاجري ضيعكم وأنقص من قيمة من يقراه..

من هو اللي قال هالكلام الضال اللي جبته ؟ .. وش اسمه ؟ .. حمد عوامي .. وضرب الطويل على خشمه ... تصلح لقسم التسليه والترفيه ..

يا خوي السالفة وما فيها .. الطويل أكثر من ذبح (الأعداء) وطلبو النجده من ابن هادي .. وجاء الرد .. معنا الطويل اللي يجيكم علامة .. الخ .. وصار ما فيه فايده .. عرض الفنجال كحل أخير على فرسان بني هاجر .. ما شربوه .. شربه أشجعهم وأفرسهم .. ناطح الطويل .. قطع راسه الطويل وذبه على ابوه .. وانتهت السالفه

تحيتي