الله يسامح من ذكرت ونســانــي ::: وأنا أدري إني لاذكرته تجملـــت

[ماعاد به حل؟]

السلام عليكم ورحمة الله وبركاته

قصيدة رائعه للشاعر المبدع متعب التركي (( الله يثبته ))

البارحة مدري وش اللي خذاني
يوم اجنبوا عني من الضيقة اشملت
جيت أتكلم بس عيا لساني
ماكني إلا مرتكب ذنب واخملت
الله يسامح من ذكرت ونساني
وأنا أدري إني لاذكرته تجملت
عانيت وأدري كل طيب يعاني
وعلى حساب طعوني الخضر جاملت
ياماخذوا مني ولا احدأ عطاني
من طيبتي في حق نفسي تساهلت
عزاي لامنه تجهم زماني
يممت وجهي للكريم وتوسلت
واللي يبي قربي وبعدي لقاني
أمشي على وضح النقاء ما تختلت
يامن سكنت اجمل زوايا كياني
ياما على نفسي عشانك تحاملت
مرات احس انك معي شخص ثاني
ومرات احس انك حبيبي وما زلت
لاتفرح انك دجت بين المحاني
لو ماتخون الذاكره ما تسللت
عشان ماضيك الجميل وعشاني
حاول تشيل من الوفا ربع ماشلت
ماني على خبرك حبيبي تراني
حتى عن اصغار الاماني تنازلت

ماعاد به حل؟

[سلطانه اليامي]

صح لسانك ولسان الشاعر

[عـزام]

ما عاد به حل

اختيار مميز جدا

ومتعب التركى متميز بقصائده

صح الله لسانه

وتسلم يمناك لا عمناك

[شرس]

صح السانك ولسان شاعرها
ماعاد به حل
لاهنت على القصيده
الرائعه
وتسلم

[عيد بن شدقان]

صح السان الشاعر/متعب التركي


ولاهنت

يامعاد به حل


اختيار رائع وجزل

الله يعطيك الف عافيه

[عبرة وداع]

رووووووووووعه من جد


صح اللسان الشاعر

وسلم يمين الناقل


وفقك الله ورعاك

تقبل مروري المتواضع

[بندر]

عشان ماضيك الجميـل وعشانـي
.............حاول تشيل من الوفا ربع ماشلـت
ماني على خبـرك حبيبـي ترانـي
..............حتى عن اصغار الامانـي تنازلـت


الله وكبر ..

متعب التركي ..

قصيده يدخل القلب من أوسع أبوابه ..

لاهنت على الاختيار الرائع ,,

[حمود بن فطيس]

صح السانك والسان متعب

لاهنت ياماعاد به حل

على هذه الرائعه

تقبل تحيات مودعك

حمود بن فطيس

[عبدالله بن ذروه]

صح الله لسان الشاعر متعب

و الله لا يهينك (ماعاد به حل) على هذا الاختيار الموفق

و تقبل تحياتي



عبدالله بن ذروه

[الجامحه!]

ماعاد به حل؟

صح لسان ولسان شاعرها


مشكوووور على النقل الجميل


قصيده جزله ووافيه


قصيده جميله ونقل أجمل وأروع يالسنافي

لاهنت طال عمرك ...


ننتظر جديدك ..

تقبل فائق احترامي ...

اختك.الجامحه!