آســـــتآذنـــكــ ..!!؟

[جـاركـ الله..!]

بسم الله الرحمن الرحيم

السلام عليكم ورحمة الله وبركاته

اسعد الله اقاتكم

اتيت في ارووع ماقراته وانسجمة ايليه لي الشاعر / حمدان المري
وارجووو ان ينال علي اعجابكم بماا اتيت بــــهـ

والان اترككم مع القصيده


.
.
.

أستاذنك بسافر أيام واجيك
وان طالت ايام السفر لا تحاتي
حتى و لو طولت ماني مخليك
ياللي بدونك ويش تسوا حياتي
تامر على حاجه؟؟ باودعك واليك
عسى عوض الأيام في المقبلاتِ
حتى يدي ما ودها تفارق يديك
ساكت وانا اشوف البلا في سكاتي
ما شفتني لا رحت منك التفت فيك
بلاي والله روحتي والتفاتي
لكن قبل ما اروح ودي أوصيك
وانت الوحيد اللي يقدر وصاتي
لاحدٍ سألك و قال لك وين مغليك
قل له لوازم لا قضاها بياتي
و أن طروا النسيان ماني بناسيك
يا راس مالي في الحياة وغناتي
و ان طروا السلوان ماني بساليك
طيفك معي حتى وانا في صلاتي
قلبي وهو قلبي إذا مر طاريك
لولا ضلوعي كان عزوا مماتي
لو جض صدري كان يمديه ياتيك
و يبات عندك ويهنا بالمباتي
أنا .. و قلبي .. و الغلا .. ساكنٍ فيك
و انته .. و قلبك .. و الغلا .. وسط ذاتي
غلاك مثل الحكم عند المماليك
أكبر طموحي .. لا .. كل أمنياتي
شف في غيابي أي حاجه تسليك
لأني بعدك أسلى مع ذكرياتي
أحاول اذكر أي شيٍ يطريك
واقول هو سوى وانا ذي سواتي
كني موادع كل شيٍ حواليك
و كني حسبت حساب حزة وفاتي
أحب لأني ما اقدر انساك و أبيك
و لا اقدر أخليك ياللي تحاتي
معنى أحب .. و ما اقدر أنسى .. و أخليك
يعني بدونك ويش تسوا حياتي

وسلامتكم .

مع خالص تحيااتي لكم والشكر .

[الهنــــــــــوف]

أنا .. و قلبي .. و الغلا .. ساكنٍ فيك
و انته .. و قلبك .. و الغلا .. وسط ذاتي

.............................

جـــــارك اللـــه ... قصيدة جميلة بحجم جمال شاعرها وناقلها ...

تسلم يمينك يالاجودي ... ولا هنت على نقلك المميز ...

تقبل مروري المتواضع ...

[القرم 8]

معنى أحب .. و ما اقدر أنسى .. و أخليك
يعني بدونك ويش تسوا حياتي
,,,,,,,,,,,,,,

رووووووعه فديتك يا الغالي,,, صــــــــح لسانك و لسان شاعرها ولا هنت وبأنتظار ما هو جديــد لك .

[*ابوخالد*]

صح السانك والسان شاعرها / حمدان المري


ولاهنت على النقل

[●• Ŝђǿǿq •●]

الله الله ..

صح لسآن شاعرها .. وتسلم ذائقتك الجميله ..~

[العــــديم]

حتى يدي ما ودها تفارق يديك
ساكت وانا اشوف البلا في سكاتي
ما شفتني لا رحت منك التفت فيك
بلاي والله روحتي والتفاتي

صح لسان الشاعر حمدان المري
ولاهنت ع النقل

[المنفرد]

اختيااار موفق

لاهنت على هذا النقل

[خالد بن نفل]

صح لسانكـ ولسان شاعرها
ولاهنت على النقل الرائع
وتقبل مروري

[جـاركـ الله..!]

لاهنتووو علي مرووركم اللى يشرف متصفحي ونوره

لكم مني اطيب التحياات