هواي البر وأهل البر ..

[*ابوخالد*]

يالله بـمــزنً يــهــول وتــذهــل بــروقــه
رعـادهـا ينـسـمـع مـــن قـبــل بـارقـهـا




مــزنً حـقــوقً صـــدوقً ثـقـلـه يـعـوقـه
في مشيهـا كـن والـي العـرش عايقهـا

ينشى مـن الغـرب ريـحً صلفـه تسوقـه
والـريـح مــن وآلــي الاقــدار سايـقـهـا

مــن شافـهـا قـــال يـاسـاتـر لمخـلـوقـه
يالله تـحـفَـظ عـبــادك وانــــت خـالـقـهـا

علـى اول الـوسـم كــلً يطـلـب اوّفـوقـه
حـسـاب عـلـم الفـلـك علـمـه يوافـقـهـا

لا جاء مع الفجر تمطر صافي حقوقـه
عـلـى أول الـسـر تـبـدأ فـــي حقايـقـهـا

سـيــلً يـسـيّـل مـسـيـلً تـكـثــر طــروقــه
من ضلع جمران الـى الملقـا طرايقهـا

والظهر من فوق صفرا السـر مدفوقـه
تـصـب خـيـره عـلـى القيـعـان تغـرقـهـا

والعصـر فـوق النـفـود تسـيّـل عـروقـه
مشـيـه مــع النّـفـد كــن احـــدً يعـرّقـهـا

وتـالـي نـهــاره تـهــل بـطـيـب غـدوقــه
عـلــى ديـــار الـوشــم تـكـثـر غدايـقـهـا

يسـيـل منـهـا شعـيـبً مـرمــسً عـوقــه
ضـيـع مجـاريـه وكــل عـقــوم يشلـقـهـا

يملـئ الخبـاري وكــل دروب مشقـوقـه
حـتـى الـحـزوم الرفيـعـه قــام يصفقـهـا

نهـار خامـس تشـوف الارض منتـوقـه
بـــاذر نـبــات الـوســم بــيّــن منـاتـقـهـا

وتربـع ارض عقـب ماهيـب محـروقـه
من حـر شمـسً طـول الصيـف تحرقهـا

يـفــرح بـنـبـتـه فِــريــقً يـتـبـعـه نــوقــه
بـدوً مـن الوقـت عجـزة عـن علايقهـا

واهل المكاشيت عاشق شاف معشوقه
يـضـمـهـا لــيــن يـسـمــع دق خـافـقـهـا

يـازيـن مجلاسـنـا والـصـبـح بـشـروقـه
في وسـط خبـرىً ربيـع الوسـم وافقهـا

متـخـالـطً حـرفــه وروضـــه وثـعـلـوقـه
وان هـب نسنـاس تكـثـر مــن تعانقـهـا

ريـح النفـل والخزامـى طـيـب انشـوقـه
يغـشـاك عـطـره مــع النسـمـه تنشّقـهـا

وتلقـى الزبيـدي يبـاري نبـت رقـروقـه
لا شـفـتـهــا تــذكـــر الله ثـــــم تـنّـتـقـهــا

والـنــار مـــن بيـنـنـا تَـشـعـم ومعـلـوقـه
بـعـروق رمــثً وراعــي الـبـر يلحقـهـا

فــي جنبـهـا دلـــةً صـفــراء ومـدقـوقـه
دلـه مـن الكـيـف راع الكـيـف ناسقـهـا

فنـجـالـهـا كــــن در الــحــور بـرمـوقــه
يـسـوى ثلاثـيـن مــن غـيـره ويفـرقـهـا

احــب انــا الـبـر فــي ذكــره ومنطـوقـه
كلـمـه تـزيّـن وجـهـه وشـفــاه ناطـقـهـا

[حزن الهدير]

صح لسانك و لسان شاعرها

تسلم يمينك

ولاهنت

[ابو سالم الدويخ]

صح لسانك و لسان شاعرها

ولا هنت ع النقل الرائع

تحياتي,,

[الـعـابـر]

صح لسانك ولسان شاعرها

[خالد بن نفل]

صح لسانگ ولسان شاعرها
اختيار جميل وليس بغريب عليك الاختيارات الجميله
وتحياتي لگ

[*ابوخالد*]

المشاركة الأصلية كتبت بواسطة حزن الهدير

صح لسانك و لسان شاعرها

تسلم يمينك

ولاهنت

اسعدني مرورك حزن الهدير العطر

[*ابوخالد*]

المشاركة الأصلية كتبت بواسطة ابو سالم الدويخ

صح لسانك و لسان شاعرها

ولا هنت ع النقل الرائع

تحياتي,,

لاهنت ابوسالم على المرور العطر

[*ابوخالد*]

المشاركة الأصلية كتبت بواسطة الـعـابـر

صح لسانك ولسان شاعرها

العابرلاهنت على المرور

[*ابوخالد*]

المشاركة الأصلية كتبت بواسطة خالد بن نفل

صح لسانگ ولسان شاعرها
اختيار جميل وليس بغريب عليك الاختيارات الجميله
وتحياتي لگ

كل الشكر خالد على المرور العطر