شفتها ياسـعــود ( من اجمل مااقــريـــت )

[الخويطري]

السلام عليكم ورحمة الله وبركاتة


( لأتعليــــق على القصيده وهي تعبر عن نفسها )

شفتها يا سعود صدفه بعد ما غابت سنين = عند قسم المختبـر وسط مشفى الجامعـه

جيتها ثم قلت ممكن في سؤالي تسمحيـن = ناظـرت فينـي بدهشه نظره متواضعـه

قالت انته تـحسبني من بنات صايعيـن = تـحسبني في زماني عن طريقي ضايعـه

قلت انا ماراح اطـول كلبوها كلمتيـن = وابعـدت عني شويه ثم جتنـي راجعـه

قالت اسال واضح انك من رجال طيبيـن = بس هرجك يالسنـافي كان وشهو دافعـه

قلت انا حبيت وحده يـوم كنا صغيـرين = ومن ثمان اسنيـن راحت للمواصل قاطعـه

عقبهـا ماذقـت نـوم يهتنيـه النايميـن = ساهر في طول ليلي لين شـمسي طالعـه

اذكر انه فيه حبه فـوق ثغـره من يميـن = واذكر انه لاجـرينا كـن شعـره تابعـه

واذكر انـه عاشـق فـالورد الياسميـن = صار قلبي بالـورود اللي عشقهـا زارعـه

طابعا اسـمه بقلبي فيه سيـن وفيه عيـن = وفيه الف وفيه دال وسط قلبـي طابعـه

قاطعتنـي بقولها سبحـان رب العالميـن = كـررتـها مـره و مرتـيــن ورابعـــه

قلت وشفيك وشبـلاك يابنيه ترجفيـن = ليش عينك يابنيـه من كلامـي دامعـه

قالت الموقف وقلبـي والمحبـه والحنيـن = كيف اشوفك بعد ماكنـت عنك قانعـه

قلت انا بسألك انكانك انتـي تذكـرين = عن مواثيـق ثـمنها من حياتـي دافعـه

قالت ظروف الزمان ماتطيـع العاشقيـن = بيعونـي غصب حبك لو هو ماني بايعـه


انا في دنياي حالي كنهـا حال السجيـن = حتـى لو فكـوا سراحه فيه شي مانعـه

زوجوني غصب واحد وحرموني حاجتيـن = السعاده فـي زمانـي والحيـاه الرائعـه

والحين انا ام لثلاثه عندي ريـم وياسميـن = والولد ا سمه على اسمك والمشاعـر جايعـه

تقبلوا تحياتي


الخويطري

[بن سويد]

اررررررررررررررررحب

يــــآ سعــــــود

هــلآ وغــلا
يا الخويطري ..

سلآمــي عليـك

صــح لسانك ولسان شاعرها .

وليـــت تقـقول أسـم شاعرها


قلت انا مـاراح اطـول كلبوهـا كلمتين
.....................وابعدت عني شويه ثـم جتنـي راجعـه


لــو تصــر كلــها . يكــون أحســن

لآهنت

ودعتك اللـّه

[cool]

السلااااام عليكم ورحمة الله وبركااااته


صح لساااانك يالخويطري وصح لساااااااان قاااايلهااااا .

ماااشاااء الله عليك ذوووقك زين في الاختياااارااااات

ان شاء الله نشووف منك مشاااركاات ااازين .



كـووول

[عزوف]

اللـــه روعه روعه

وشويه عليها كلمة ابداع

اشهد ان الحب بلوى !!!!

مشكور يا الخويطري على هالقصيده الرائعه وفعلا من اروع ماقيل

[الجـــــــــادل]

لاهنت يالخويطري

[شبيب ابن شبنان]

صح السانك

ولاهنت على القصيده المعبره

[الخويطري]

حياك الله يا ابن سويد ووولاهنت


ويامرحبا بك وبردك وتعقيبك ومرور الكريم , وشاعرها ياخوك مجهووول


وتقبل تحياتي



الخويطري

[الخويطري]

حياك الله ياكوول ووولاهنت


ويامرحبا بك وبردك وتواجدك الطيب , واظبطك فديتك


تقبل تحياتي



الخويطري

[الخويطري]

حياك الله ياعزوف وولاهنتي


ويامرحبا بك وبردك وتواجدك الطيب


تقبلي تحياتي



الخويطري

[الخويطري]

حياك الله يالجادل ووولاهنتي


ويامرحبا بك وبتواجدك الطيب


تقبلي تحياتي



الخويطري