قصيده للشاعر المبدع سالم بن جخير العرجاني

[كلاش]

السلام عليكم ورحمة الله وبركاته

هذي قصيدة للشاعر المبدع ((سالم ابن جخير العرجاني)) يمدح فيها العجمان في الحاضر والماضي

نترككم مع القصيدة:

لاغنيت يبن جخيـر يامـروض القيفـان=تحزم بربعك وارفـع الصـوت بلعانـي
تحـن الرعـود ويلتعـج بـارق الهتـان=وتمطر مزون الشعـر وتفيـض قيفانـي
اعرف القصايد قاف معنى بحـر ووزان=والى جبتها من بـدع راسـي ووجدانـي
اغني وانا شفقان واكتـب وانـا شفقـان=وراسـي لصلفـات الطواريـق يحدانـي
الى جيت ابركد واتعـوذ مـن الشيطـان=تعزوابـي الجـن المسـمـى ونـادانـي
اسمـي وارتـل ماتيسـر مـن القـران=وبلاي ان معاي جنون وتـزود اجنانـي
سلامي على العجمان في وادي العجمـان=سلامٍ ينومـس كـل عجمـي وعرجانـي
هل الوقفه اللـي فالعيينـه وفـي كنـزان=يسولف بها القاصي ويفخر بهـا الدانـي
على ذكرهم ركبت صوتي على الالحـان=والى من سمعني طيب الـراس لاحانـي
ياراكان ابن سحمان وين انـت ياراكـان=عليـك القصايـد تعتزيبـي وتنخـانـي
جذبني نباك وجيت وانـا وسيـع بطـان=وذكر الرجال اهـل المواجيـب يشعانـي
سلامي عليك امـن القريـات لا نجـران=سلام الغلا من صدري لصدرك الحانـي
ياشوق الهنوف اخت الستر عزوة الشجعان=اخيهـا لحالـه ينطـح القـوم وحدانـي
على شانهـا كنـك تسفـح بـلا جنحـان=الى صيحت بسمك وقالـت علـى شانـي
مزاياك واجـد يارفيـع القـدر والشـان=الى جيت اعدد فـي مزايـاك ماامدانـي
زعيم الكرم منصى العرب مقدم الشيخـان=وسيع البنايـد مكـرم الضيـف والعانـي
بعيد النظر تاج الفخـر مرهـب العـدوان=صعوط المجنن مزبن الجيـش والجانـي
يادفع البـلا ماكنـك الا خشيـر الجـان=تكـرع بـدم اعـداك وتقـول ماروانـي
على شانك اسرجت القصيده وانا طربـان=عنيت وعنى شعري من اجلـك وعنانـي
لو اني اجيد اية لغـه غيـر هـذي كـان=كتبت ومدحتـك بالفرنسـي والاسبانـي
مدحتك لحالك من محبه ومـن صفطـان=ولا ابغي سوى ترديـد ياحـي ماجانـي
وصية شنب ماقالها فـلان ابـن عـلان=ترى ذي وصية شايبـي يـوم وصانـي
عساني فدى اللي عزني لين صرت حصان=وعلى العز وعلـوم الرجاجيـل ربانـي
ترى حن حزام العـز لاشانـت الازمـان=لا قلنا تـرى حنـا لهـا والعمـر فانـي
وقفنا نهار الكـون فالصلـب والصمـانع=لى الموت نارد مثـل ماتـارد السانـي
نبج النحور ونقطع الروس مـن الامتـان=والى من غزينا كلنا اعبـر مـن الثانـي
لوإنا لحقنا عصـر عثمـان ابـن عفـان=بطشنا وجبنا العيـد فـي كـل نصرانـي
يوقف شعر راسي على طـاري الجـدان=واحس ان دمي يطبـخ وسـط شريانـي
تراني طبيعـي لامحشـش ولا سكـران=ولكن صميـدع راس ولسانـي حصانـي
الى من خويت اشفق على دلـة الرسـلان=والى من نهجت انهج على نهـج جدانـي
امثل هل السمـرا ليـا جيـت فالميـدان=وعساني على القـوه وصـح الله لسانـي
اعد الحقايـق واكـره الـزور والبهتـان=وببقـى علـى ماقلتـه ان الله احيـانـي
وهذي عوايد صـادق القلـب والايمـان=وعسى الله يثبتنـي علـى قـوة ايمانـي
واذا مامدحتك وانت راكان ابـن سحمـان=فلا خير في شعـري ولا خيـر فلحانـي
واذا كان هتلر شاع ذكـره مـع الالمـان=تراك انت هتلر غيـر ماجابـك المانـي

تحياتي للجميع

[شخص عادي]

السلام عليكم ورحمة الله وبركاته

اخوي : كلاش تسلم على النقل والاختيار الرائع وصح لسانك ولسان (شاعر الشعراء..سالم ابن جخير العرجاني


لاهنت على النقل وتقبل مروري

[بــ راكان ــنت]

الله الله

لاهنتـ اخي كلاش على النقل..

[علي أل فطيح]

الله لايهينك على النقل
وصح لسان الشاعر
سالم بن جخير العرجاااني

[جطلي بن فهد]

السلام عليكم ورحمة الله وبركاته



الاخ الكريم
كــلاش


لاهنت ويعطيك العافيه

[ريم الصيد]

الله الله

تسلم يمينك اخوي كلاش

وصح لسانه العرجاني

لاهنت عالنقل