أللي على الفنجال جال ومن ورى الفنجال جال =
أفكارك ان جت رابحه وان رحت عنها شاطحه
اذا عرفت ان المحال يجيك من صعب المنال =
اعرف علومك وأوزن الكلمه ونفسك راجحه
لاصارت هموم الملامه ما يغطيها هبال=
طالت على شمط اللحى وأهل العلوم الفالحه
ما وقّفتها شربة الفنجال وعلوم الرجال=
ولا علمتها زبدة الهرج الطويل المالحه
كيف ان من بين الضلوع العوج خفقات وسؤال=
أحترت لا حلّه وصعب اقول كيف اصارحه
يا كيف نفسي لو طواها يأس قطع الاتصال =
تموت ما ذاقت من ألأهواء حلم تصافحه
ما علمتنا حبسة ألأنفاس تحريم الحلال=
ولا وقّفتنا قدحة زناد الرصاص القارحه
عن حب من أجعل لها روحي رهينة احتلال=
دمّي وشرياني وفكري .... امسيه ومصابحه
يا اول حبال الحياة ومعلم الحب الوصال=
ويا آخر حبال النجاة...يالروح يالمتسامحه
ما سقتها لرضاة غيرك قبل أعديها طوال=
ولا جبتها من دون وصلك يالكبار الفادحه
ان كان ما جيتي ترى والله ماعندي مجال =
بموت من سم الهوى موتة عدوّ الرابحه
ما يجهلك من ذاق طعم الموت من غير انفعال=
ليه اعشقك لاصارت احلامك خيولٍ جامحه
يابنت انا من لابةٍ ما تشرب الا من زلال=
ون صكّت وجيه القروم انقوم دون المادحه
أشوم نفسي من عطايا البخل ..وأبعد عن حثال=
ذيك الوجيه الفاضحه و اهل الامور الجارحه
واللي فتح لي بالقصيد ابواب واعطاني مجال=
هذا لأني مااقبل الزلات لو جت سارحه
شعري رفعني وسط توحيد الخيال من الخيال=
وأوصلني نجوم الليال الساميات السابحه
وعلمني ان الحب اسمى من جنون الانفصال=
واغزر من اعماق الجروح اللي بقلبي قادحه
لو اذكر جروح الزمن فيني تحييّ الاعتدال=
ما كان ذقتك يالهوى القتال ليل البارحه
وان جت على نفسي ترى والله ليل الهم طال=
مليت منها واصبحت مثل العجوز الطامحه
لو جات لي جابت هموم الوقت وسنينٍ اعلال=
وراحت وانا اقرا سورة التوبه وتقرا الفاتحه
وسلالالالالالالالالالالالالامتكم
28-08-2004, 07:41 PM
العرض العادي
