بسم الله الرحمن الرحيم
السلام عليكم ورحمة الله وبركاته
الشاعر صالح الكحله
الـى متـي ياللـي ذبحـك التغـلـي
يامن سكنت القلـب واشعلـت نـاره
تليت قلبي يـا اريـش العيـن تلـي
وانـا غريـب مبعـد مـن ديــاره
اشفق على شوفـك وارحـب واهلـي
كنـي سجيـن (ن) بلغـوه بـزيـاره
لا يا بعد ناسي .. وراسـي .. وكلـي
لا يا عمار.. القلـب لا... يـا دمـاره
حبك سكن بالقلـب واصبحـت خلـي
وشيدت لك وسطه صرووح وعمـاره
لا شفـت وجهـك ضاحـك مسفهلـي
ما عاد اغبط اللي بكرسـي الـوزاره
لبيـه.. مـن قلبـي ولبيـه يالـلـي
اطغاك حسنك مـا تعـرف الخسـاره
واثـق تقـول انـك ابـد مـا تزلـي
وانت الـذي حطيـت بالقلـب امـاره
الوصل يـا مظنـون عينـي يحلـي
حب جمع قلبيـن... واعلـن خيـاره
اعتـب علـى قلبـي عتابـك يسلـي
وارسل على عيني من الرمش غـاره
وطبـع الغـرور اقـول خلـه يولـي
والحـر تكفـي لـه رمـوز الاشـاره
يا...ابو العيون اللـي هدبهـا مظلـي
ترى عزيـز النفـس يقـدح شـراره
((جاوب سؤلي لا سئلتك وقل لي..؟ ))
(( قلبك معـي والا تغيـر مسـاره ))
وان كان غيري فـي خفوقـك يحلـي
وش عاد اقول ... الله يعيـن العبـاره
من باعني بعتـه وانـا فـي محلـي
ولا عـاش راس مـا يـرد اعتبـاره
غيـر مسـارك لا تـزيـد التغـلـي
العود لامن جـف سهـل انكسـاره !!
24-04-2010, 05:49 PM
العرض المتطور
