ياعـين هِـلِّي صَـافي الدمع هِـلِّـيـه ..

[%عــــــزوة %]

ياعـين هِـلِّي صَـافي الدمع هِـلِّـيـه … وإلْيَا انتهى صافِيْه هَاتي سِرِيـْبـِه
.................................................. .........
اللي يبــينا عــيت النفـس تبغــيـه … واللي نبي عــيا البخـت لا يجـيبـه


كلنا نعرف هذه الأبيات أو هذه القصيدة
لكن القليل منا يعرف ماهوالسبب
فإليكم القصة



كانت تعيش الشاعرة نورة الحوشان في بلدها بمنطقة القصيم مستورة مع زوجها عبود بن علي بن سويلم إلى أن وقع بينهما خلاف أدى إلى طلاقها طلاقاً لا رجعة فيه ، وبعد الطلاق تقدم لها الكثير طالب الزواج منها حيث أنها امرأة جميلة ومن عائلة معروفة ومحافظة ، وقد رفضت الزواج بعد زوجها عبود الذي كانت تحبه وترى فيه مواصفات الرجل المثالي ..
وذات يوم كانت تسير على طريقٍ يمر بمزرعته وبصحبتها أولادها منه، وعندما مرت بالمزرعة رأته فوقفت على ناحية المزرعة وانطلق الأولاد للسلام على أبيهم وبقيت تنتظرهم إلى أن رجعوا إليها فأخذتهم وأكملت مسيرها ، وقد تذكرت أيامها معه وتذكرت من تقدم لخطبتها بعد الطلاق ورفضُهالهم فقالت قصيدتها المشهورة التي يتداول الناس منها البيت الأخير الذي أصبح مثلا دارجا بين الناس ولكن أغلب مرددي هذا المثل لا يدركون قصة هذا البيت الذائع الصيت في منطقة الخليج كلها وإليك قصيدتها الرائعة:



ياعـين هِـلِّي صَـافي الدمع هِـلِّـيـه … وإلْيَا انتهى صافِيْه هَاتي سِرِيـْبـِه

ياعـين شـوفي زرع خلك وراعيه … شـوفي معَاوِيْدِهْ وشـوفي قِــِليْــبِه
من أول .. دايـم لرايــه نمـالــيــه … واليـوم جَـيَّـتْـهُـم عــلينا صعـيـبـه
وان مرني بالدرب ما اقدر أحاكيه … مصــيـبـة ياكـــبرها من مصـيـبـه
اللي يبــينا عــيت النفـس تبغــيـه … واللي نبي عــيا البخـت لا يجـيبـه


القصة منقولة ومعرووووفة
أختكم % عـــــزوة %

[متلثمة بشماغ أبوي]

اللي يبينا عيت النفس تبغيه ..


واللي نبيه عيا البخت لا يجيبه ..



انا اشششهد ..

لاهنتِ ..

[%عــــــزوة %]

المشاركة الأصلية كتبت بواسطة متلثمة بشماغ أبوي

اللي يبينا عيت النفس تبغيه ..


واللي نبيه عيا البخت لا يجيبه ..



انا اشششهد ..

لاهنتِ ..

لاهنتي يا متلثمة على مــرورش الطيب .

[(سعد بن محمد)]

من أول .. دايـم لرايــه نمـالــيــه … واليـوم جَـيَّـتْـهُـم عــلينا صعـيـبـه
وان مرني بالدرب ما اقدر أحاكيه … مصــيـبـة ياكـــبرها من مصـيـبـه

الله الله صح السان شاعرتها نوره

الله يعطيك العافيه على النقل المميز

وهذه القصه قدييمه ومعروفه

لاهنتي على النقل

[%عــــــزوة %]

ويعطيك العافية على المرور

[شباب ضوة]

يحرام كبديلها انشهد انه تحبه يعطيش العافيه على القص

[%عــــــزوة %]

المشاركة الأصلية كتبت بواسطة شباب ضوة

يحرام كبديلها انشهد انه تحبه يعطيش العافيه على القص

رجالها
اب عيالها
شقوم ماتحبه (لاهنت على المرور)