آختـر وجهة نظرك .. آبن فطيس وقصته ..

[[ بلآ خطيه ]]

الســـــــــــــلأم علــــــــــــيكم




لكم مني قصة أعجبتني ،، سمعتها من صوت محمد بن فطيس



وراح انقلها لكمـ بإسلوبي ،، قصة تحكي عن الحب



وتناقض نظرة الناس له // مابين مجرب ،، ومن لم يجرب بعد ..



تناقض النظرة للحب،، مابين شااب مندفع ،، وشاايب حكيمـ


يقول ابن فطيس ،، كنت توي شاب في مرحلة الإعدادي



وجالس مع الوالد ،، وربعه .. سوالف وعلوم رجال وشعر



المهم واحد من الرجال ،، قال يالربع اليوم كنت ماشي بدربي



شفت لي بيت شعر مكتوب على جدار ،، يقول :



أعلان للي مابعد جرّب الحب *_*_* يترك طريق الحب قدر استطاعه


فيه الهنا ياتيك ساعه ويذهب *_*_* وفيه العنا ياتيك في كل ساعــه

المهم ابن فطيس يقول البيتين اعجبنه ،، وقعد يفكر فيها بالليل !!



تعرفون توّهـ شباب ،، وقلبه خظر // مسك ورقه وقعد يكتب ..



المهم من بكرة والرجال جالسين قال محمد يالربع ،، أنا قريت بيتين



وبقولها لكمـ :



اعلان للي مابعد جرب الحــــــــــــب *_*_* يسلك طريق الحب بس بشجاعه


فيه الوفا والغدر والصدق والكذب *_*_* وفيه الفراق وفيه شوق اجتماعه


حظك على حظك تشجّع وجـــــرب *_*_* ان صبت والا غير تاخذ مناعـــــه



ويضحك والد محمد ،، وقال // من كتب هالابياات ؟ ،، قال محمد : أنا


قال أبوهـ عطني الورقة ،، ويكتب عليها :


أعلان للي مابعد جرب الحــــــــــب *_*_* يترك طريق مايجوز اتباعـــــــه


مع الرجا والخوف والياس والذنب *_*_* لو دام وصله ماومنت انقطاعه


شيئ غريب يشاع بالشرق والغرب *_*_* تركه قلاع واتباعه قلاعــــــــه


الحين قدامكمـ ثلاث وجهات نظر للحب ...



ياليت تقتبس مايمثل وجهة نظركـ الخاصة !! ،،





تقبلو ودي واحترامي

[جرح العنا]

وجهة نظري الخااااصة انا مع ابن فطيس..

اعلان للي مابعد جرب الحــــــــــــب *_*_* يسلك طريق الحب بس بشجاعه


فيه الوفا والغدر والصدق والكذب *_*_* وفيه الفراق وفيه شوق اجتماعه


حظك على حظك تشجّع وجـــــرب *_*_* ان صبت والا غير تاخذ مناعـــــه

لاهنت اخوي سالم ع الطرح تقبل مروري..

[تركي الميموني]

صح لسانهم

مؤيد لوجهة نظر شاعــ 1000000 ـــر


اعلان للي مابعد جرب الحــــــــــــب

يسلك طريق الحب بس بشجاعه

مبدع كعادتك يا سالم

وماستغرب الابداع من حروفك

تقبل مروري

[فلاح بن ملبز]

اعلان للي مابعد جرب الحـــب ... يسلك طريق الحب بس بشجاعه << محمد

فيه الهنا ياتيك ساعه ويذهب ... وفيه العنا ياتيك في كل ساعــه << من الجدار

شيئ غريب يشاع بالشرق والغرب ... تركه قلاع واتباعه قلاعــــه << اب محمد


اما انا من كل شاعر اخترت بيت عشان اقدر ابين وجهه نظري

لاهنت يا سالم