من روائع الشاعر/ غازي بن دغيم العجمي:
يا زين شوف الخضار وهـدة الطـيري
الاشقـر اللـي من الشعــلان مطروحي
ولا من الجفـر جابـــــوه الصقاقــيري
اللي علـى الطايـره والـدرج ذابوحي
الاشقر اللـي بعض ريـشه مغـــاتـيري
يـاعلها مـا تشـوفه عيــــن مشفوحي
يفـرح به اللى قنص وقت المخاضيري
لا قالـوا الحـد الاقصى فيـه مسموحي
يبغى التــريله وخشــم غراب والديري
قـدام تكـثــــر قنوص الصيد ويـروحي
لا طـاح من مقـــدم الوسمي مباكـيري
خطايطه فـي طـرفها الصيـد مزيوحي
يا زيـن طلعه على الجــول المدابـيري
في مربـــعٍ ما وطابـه عزب وسروحي
راعيــــــه لا زان وجهه يهمل السـيري
ما هـوب لا طـار عاج الـــــراس للوحي
لا حقـق الطلع في دعوبٍ منــــاحـيري
لا صاح لـه راعي الملواح مــــا يـوحي
عينه اليـا شـاف حفـــــان المخامـيري
عين ابلجٍ شاف جـار البيت مسـدوحي
مضـراب كفه يجـــي ريشه معاصـيري
وان طـار منـــه يلوحه فالهـوى لوحي
ولـولا كـذا ما دفعنا بــــــه دنـانـيري
نبـغى الوناسه وتالي الروح بـيروحي
وراعـي الـولع ما يحسّب للمخـاسيري
لو قالـوا الناس مـاله منـــــه مصلوحي
وليـا حصل خوة الـربـــــع المناعـيري
يجلي صـدى الكبـد خوة كل ممدوحي
شوف اشقر اللون والربع المسافـيري
يصبح به الخـاطر العمسان مشروحي
هـذا يعزيك مـن بيــــــض الغـنـاديري
لو كان معهن عجايب هـرج ومزوحي
احلى مـن الغند في در المصــاغـيري
اليا صفن لك وبـاب الحــــب مفتـوحي
اللـي عصن شور اهلهن والحجاجيري
وشامن المن شـام يبغي كـل مملوحي
ان اقبلـن مـــــــا يكثّـرن المعــاذيري
وان دبـرن طــــارد المقفين مجـروحي
كـم واحــــــــدن وردنـه جمـة البـيري
يلعب به الجـال من صوحٍ الى صوحي
وعبّرت مـن بـــايقين العهـد تعبـيري
الطيـر واللي لخــده بالـدجى ضوحي
تمـت ونـرجي لعـــــل الخاتمه خيري
وطلب مـن الله عسـاه لطلبتي يوحي
الخويطر2003
29-08-2004, 11:58 AM
العرض المتطور
