ياحلو ذالقصيده حلواة ...لا طوفكم

وكيل آدم · #1 28-07-2009, 09:15 PM

جيّتك من بعـد غيبـه زينـةٍ \ شينـه
أفرح وأنـا أدري بعـد بكـره تخلّينـي

يا كبـر قلبـي ليـا جيتـي تزورينـه
يفزّ لك , كـنّ مـا عمـرك نسيتينـي

غيابك : أقسى جروحه ما ملـت عينـه
ووصلك : خذا من سنيني \ أجمل سنيني

هذي عيونـي وشوفـي مـا تشوفينـه
في كـل نظـره ,, بتلقينـك وتلقينـي

وهذا الخفوق الجريـح اللـي تعرفينـه
اللي بعد غيبتـك , مـا عـاد يعنينـي

وهذا القصيـد الحزيـن اللـي تغنّينـه
اللي عقب غاب صوتك \ طاح من عيني

وهذا الشعور اللي إن شافـك تخونينـه
يخونني مثـل مـا كنتـي تخونينـي !

من كثر ما اعاني مـن اللـي تحبّينـه
صار الزعل بينك وبينـه .. يراضينـي

وش يعجبك فالكـلام اللـي تقولينـه ؟
لا صار يثبت لي إنّـك مـا تحبّينـي !

أقـول لـك لا إتطرّينـه \ إتطرّيـنـه
طاريـه حتّـى وهـو غايـب يعنّينـي

تدريـن وينـه ومـع هـذا تحاتيـنـه
وأنا ما تدرين ويـن ؟ ومـا تحاتينـي

غيّرني الوقـت ومـن اللـي تسوّينـه
صارت تفاصيلـي تناقـض \ عناوينـي

العام شاعـر جـذب صوتـه محبّينـه
واليوم شاعـر وأدوّر مـن يغنّينـي !

باقي للأحلام , قلـبٍ ضاعـت سنينـه
مـن غيبتـك وإن تركتـك لا تنادينـي

لو [ وينك ] ترد مـن راح لـمنادينـه
يمديك عنـدي مـن أوّل مـا تركتينـي

للمبدع : بدر بندر العتيبي