.. صــــدر الشــمـــال .. لـ محمد المشـري

[عزيز الفوزان]

الســلام عليـكم ورحمـة الله وبـركاته


بعد التحيـة



لعلمـي التـام بمدى الذوق الشعري الرفيع الذي يتمتع به شعراء واعضاء منتديات قبيلة العجمـان
اضع بين ايديكم هذا الباذخه للـشاعـر / محمد عفـتان المشـري ..



.



.

على سنَـام الطويـل وعاتيات الهـبوب

ـــــــــــــــــــ نهار يوم الربوع .. عصير قبل الزوال



وقفت أراعيك .. ياصدر الشمال الرحوب

ـــــــــــــــــــ وأنت آخر اللي بقالي من ربوع ٍ .. وآل



وقفت .. ميقاف من كثرة عليه الذنوب

ـــــــــــــــــــ وإنتابه الخوف من صحوة ضميرة وسال



دمعة .. وهو يحسب إن الدمع صابه نضوب

ـــــــــــــــــــ مايدري الحـزن مخلـوق ٍ معه لا يــزال



الحزن لـ بنادم آقرب .. والمواجيع ثوب

ـــــــــــــــــــ والعـمر إما يِقـضىَ حـلّ .. وإلا إرتحال



وأنا تكـالب علي من المقـادير .. نوب

ـــــــــــــــــــ ونوب ٍ بنفسي على نفسي .. نزاع وجدال



أختار من باب زهد .. أكون رجل مغلوب

ـــــــــــــــــــ وآحيان أحرّم على النفس الشقية .. حلال



ياصـبر قلبي على مالا تطيق القـلوب

ـــــــــــــــــــ ويا وسع صدري لياضاقت صـدور الرجال



وياقـوّ عزمي ليا أشتدت على الكروّب

ـــــــــــــــــــ ويا طيب نفسي على كثر الجشع والسؤال



كم عشت مابين ..توديع المسا .. والغروب

ـــــــــــــــــــ لحظات .. موت الأمل.. والشك ..والإنعـزال



و ينـتابني كـل ماهبت علي الهــبوب

ـــــــــــــــــــ شعور بأني غـريب إشتاق كلمة " تعــال "



ماغبت يالحزن والأشواق عنّك تنوب

ـــــــــــــــــــ وشلون .. والشوق مايعرف ظروف ومجال



يتــلّني .. وآتـنحـّا مبعـدات الـدروب

ـــــــــــــــــــ لا مـرّ .. هانت مسافات الطـريق الطـوال



كله على شان وضّاح الجبين .. اللعوب

ـــــــــــــــــــ اللي تسلطن على روحي .. بـ حسن وجمال



اللي ليا بان وجه ٍ للـزمان الشـحوب

ـــــــــــــــــــ لقيت به عن قسـا الأيـام .. عطف و دلال



الـراقي البـاقي بـ قلبي ولو به عيوب

ـــــــــــــــــــ اللي تحـدا بي العــذّال .. دون الوصـال



أستسمحه وأستبيحه .. والمشاعر تتوب

ـــــــــــــــــــ لو خانته .. جعل راعـيها لسوء المـئال


ولو عاضبت دنية العشّاق وصل محبوب

ـــــــــــــــــــ لا بـدْ في تالي الدنــيا .. تزين الليـال

مع اطيب تحية

[فــلاح]

صح الله لسان المشري


ولا هنت على النـقل

[عزيز الفوزان]

المشاركة الأصلية كتبت بواسطة طويــــق

صح الله لسان المشري


ولا هنت على النـقل

طــويق


حضورك شـرف


لاهنت

[الظبيه العنزي]

كثير حلوه ومعانيها قويه...,

الهوي كانك تشوفه كذب وخداع وكلام
الهوى عندي غرام وحب واحساس وشعور

اعترف ماكل قلب يعشق يصون الغرام
واعترف ماكل قلب يطري الفراقا صبور

الفراق اللي تقوله جاك واهديك السلام
يوم لك....يوم عليك ..وعادة الدنيا تدور

وتقبل مشاركتي بكل حب.,