هذه قصيدة للمبدع .. العلم .. الفذ ..
الشاعر / عبدالله عبيان اليامي ..
لا أطيل عليكم ..
اترككم مع هذه الرائعه من روائعه ..
زخرفي كل الطعون بغيهـب الظلمـى ونجمـات الخطايـا=ما بقى عندي من أمجادي سـوى رمحـي وكفينـي رهينـه
علمتها)مدرستنا الطين ) كيـف تخـط لـك بيـض النوايـا=في رسالة حـب تنسـج للغـرق والريـح بحـار وسفينـه
شلتهـا فـي داخـل كتابـي مخفّيهـا عـن عيـون البرايـا=للصباح المستغيث اللي على ثوبـك سجـد واشـرق جبينـه
لين نامت خمس وردات وصحت ورده على همـس الحنايـا=والمدى ينحت على وجه السمـا المفتـوح معزوفـة حنينـه
كنت انادي في طريقي هيـه ياليلـي ويـا عبلـه ويـا يـا=..شمسي اللي دنقت للغـرب تحكـي للشفـق حلـم المدينـه
اشهد اني مت ... لا والله حييت بكـل مابـك مـن مزايـا=يـوم ناديتـي وانـا غافـل وكلمـاتـك معانيـهـا دفيـنـه
ادخل الحصه وانا ارسم في فراغ الشارع الممطـر مرايـا=يبتسم فيهـا الغصـن للطيـر واوراقـه ملامحهـا حزينـه
كنها مـن طيشهـا جاتـك تـزف لحضنـك البـارد هدايـا=شمعتين ونظرتيـن وبيـت شعـر يستـوي عسـره ولينـه
اكتب اسمك في جدار الصف عند الباب فـي كـل الزوايـا=فوق سطح الطاوله في دفتـر التاريـخ وحروفـي سجينـه
ضعف مدري جهل مدري خوف مدري ذنب مدري هي رزايا=غلطتي ليه اسقي البستان مـن عينـي وهـو يبخـل بتينـه
ما سالت امـي عـن الخاتـم واصابعهـا نحيـلات عرايـا=ليه راحت ترهنـه لجـل اشتـري فستانـك اللـي تلبسينـه
والليالي ليه يـا ( بيشـان ) تسـأل كـل محمـوده سجايـا=عن هواي ويوم ميـلادي وتاريخـه وعـن معنـي الغبينـه
عن طفل لعيون حوريه بحـر هـام وتـرك كـل الصبايـا=صوروها في الورق تضحك على الشاطي وهي تمسك يمينه
ليتها يوم اعتزوا ربعـي وانـا اولهـم علـى دهـم السبايـا=رددت مـن برجهـا لـي كلمتيـن وقالـت الله لا يهيـنـه
*بيشان : جبل ولد الشاعر بالقرب منه.
وسلامتكم جميع ..
تقبلوا تحياتي .. أخوكم / أمير الغموض ..
02-06-2009, 02:26 AM
مدرسة زخرف ..!!
العرض المتطور
