سالم بن جخير العرجاني ( يا هيه ).!!

[بنت الزعبي ..]

السلام عليكم ورحمه الله وبركاته


أسعد الله أوقاتكم بكل خير ..,



ياهيه انا في قمة المجد ياهيه ماجات منّه ربي اللي عطاني
قدري ليامن جيت اسميه اسميه اما الجدي ولا سهيل اليماني
الى شرهت اعرف حدود المشاريه مانيب اقول انا فلان الفلاني
احب راع الطيب واحب طاريهي اني احب اهل المواجيب ياني
رفيقي احترمه واعزه واداريه والى نصاني فالمواقف لقاني
لخطى علي ماقلت يخطي علي ليه مالي عيون تشوف ولا اذاني
اما نطحته وجه مانيب قافيه واللي على قلبي يقوله لساني
وبرقٍ يلوح هناك ياعز واليه لو ماسقاني قلت لو ماسقاني
اللي يخاويني على الطيب اخاويه ماعده الا واحدٍ من اخواني
خطوى العريب اللي تشرف مماشيه نسل الرجال معربين المجاني
اللي ليا من الرجال اعتزوا فيه"عبارته" قمنا ترى العمر فاني
لاهوب ناسيني ولا نيب ناسيه ان غاب جيته وان تغيبت جاني
اللي يلبيلي وانا اقول لبيه قدر وغلا ماهوب مقصود ثاني
والله لوقف له (كذيا) واحييه بالدله ام الهيل والزعفراني
والا الردي لا راح مانيب باكيه ويا جعل ابيه النار كانه بكاني



وسلامتكم .,

[رجـم بـذال]

رفيقي احترمه واعزه واداريه والى نصاني فالمواقف لقاني
لخطى علي ماقلت يخطي علي ليه مالي عيون تشوف ولا اذاني
اما نطحته وجه مانيب قافيه واللي على قلبي يقوله لساني



كلام جميل


بنت الزعبي لاهنتي على ذالقصيده الجميله

[بنت الزعبي ..]

ولا هنت

الجميل حضورك العذب لصفحتي المتواضعه

[هتلاني و الكبر لله]

تسلمين على النقل وبن جخير وافي .

[دايم اهذريبكـ]

لاهنتي على النقل
وصح لسانك ولسان سالم

[فل الحجاج]

تسلميـــن يا بنت على أختيـــارك كـــل مـــا هــو

رائـــــــــــــع

صح لسانش ولسان قايلها

["..عـَـذْبـًة الأطْـبـَآآآآع.."]

قصيده جميله

والاجمل الذائقه ..

:
:
صح لساانه وتسلم اياديك حبيبتي ...


:



احترامي

[صالح المري]

صح لسان قايلها


وتسلم يد ناقلها


ومشكوره على الذائقه الاكثر من رائعه


ودمتي بحفظ الله ورعايته


.

[s3odi]

ياهيه انا في قمة المجد ياهيه ماجات منّه ربي اللي عطاني
قدري ليامن جيت اسميه اسميه اما الجدي ولا سهيل اليماني


رائعه يالزعبيه


صح الله لسان ابن جخير


لاهنتي على النقل

[عاشقة الكويت]

ابيات مميزه من عضو مميز


وصح لسانش ولسان شاعرها


ولاهنتي