ادور لولدي عن سياره

[ام البنين]

السلام عليكم ورحمة الله وبركاتة

تحيه عطره
اسمحو لي ان اشكركم على هذا المنتدى الرائع بروعة اصحابه
والحمد لله على الصدفه التي جعلتني اكتشف منتدكم
ويسعدني ان اكون من احد اعضائه اختكم ام البنين من سكان مدينة الدمام
وعندي ولدي الكبير الله يحفظه يعمل في منطقه اسمها تناجيب قريبه على الخفجي بحوالي 60كيلو وقلبي ينفطر عليه عند عودته بطريق البر
وابحث له عن سياره تكون كويسه ورخيصه لانه موفر مبلغ وقدره 18 الف ريال
بس اهم شي ما تتعطل فيه عند السفر
وكيف يقدر يحصل عليها اذا وجدت هذه السياره
وشكرآ
وجزاكم الله خير

[الــخــيــال]

حياش الله اختي

انا عن نفسي

انصحش بسيارة كورلا سياره رخيصه حيل وجدا رائعه حق الخطوط بس وعمليه واقتصاديه

[والله ماكان الفراق اختياري]

وعليكم السلام ارحبي يا ام البنين



مشرفتنا بتواجدش


بالنسبة لسيارة ممتازة


انا انصحك لا تخلينه ياخذ الماني لانه سريعه وخطرة عليه اذا هو من نوع الشباب الي يحب السرعه ابعديه عن السيارات الالمانيه اما اذا واثقة من قدرتة على القيادة بشكل ممتاز فأنصحك بأن يشتري لكزس من موديل92الى96 وهي افضل شي تكون من الكويت لان معظم سيارات الكويت نظيفة واستخدام حشمة احسن من استخدام السعوديه
بالنسبة لرأي باللكزس فهو بأقتناع تام لاني جربتها على الخطوط والحمد لله صابرة معي

[ام البنين]

مشكورين اخواني الخيال ... والله ماكان الفراق اختياري
على الترحيب وهذا من طيبكم يالعجمان ياهل الصيت والكرم والبطوله
جزاكم الله خير على النصائح وان شاء الله ربي يكتب له الخير منها
وكمان معليش لو تعبتكم معي
اذا ممكن تعطوني عنواين معارض رخيصه وفيها سيارات نظيفه في الكويت
لانا يمكن نزوركم ان شاء الرحمن
بعد كم شهر

[جلوي بن سبعان]

مرحبا ام البنتين

واسعدنا تواجدك معنا في منتداك

بخصوص عناوين السيارات

دشي الرابط هذا تعرفي على جميع انواع السيارت واسعارهم وانتي في بيتك

ماعليك الا تختاري نوع السياره وتعرفين سعرها ومواصفاتها

على الرابط
http://www.q8car.com/newsite/cars/arabic/main.asp

طبعن فلوسك سعوديه

الحل

اذا بغيتي تعرفين كم سعرها بسعودي

على الرابط

http://www.kfh.com/Banking/Rates_Convertor.asp

مثلن السياره سعرها 1500 دينار

تكتبين التحويل من كويتي لسعودي

يعني 1500دينار تطلع 19,258ريال

وعسى الله يرزكم السياره النظيفه

[ال مفلح]

السلام عليكم

أقترح للأخت أم البنين كذا نوع من السيارات

الكامري أو فورد ماركيز

طبعا اذا كان الولد يستخدم طريق معبد ( قار ) أما اذا يستخدمها في الطرق البرية أنصح بجيب نسيان أو تويوتا

المعارض كثيرة وأفضلها من ناحية نظري معرض بيت التمويل في الري أو في منطقة الضجيج بالفروانية

فهناك سيارات شبه جديدة وحالاتها فوق الممتاز

والله يوفقكم في اختيار السيارة المناسبة

ويعطيكم خيرها ويكفيكم شرها

[موادعك خيره..!]

ماقصروا معاش الشباب والله يكتب الي فيه الخير


وانا بعد انصحش بكوريلا زينه حق طريق ورخيصه

[alaajm]

الله يوفقكم ويرزقكم

وانا مع الاغلبية اخذي له ( كورلا ) أو ( فورد ماركيز او فكتوريا )

هذي السيارات العملية


وبتوفيق

[ابن عاجب]

والله ياطويلت العمرررر الموت الزين ورخص مثل السعر الي تبينه الفورد سعره حووول المبلغ الي تبينه بس انشالله تلقين الناس طيبه مو الي ضمتهم وسيعه ويغشونج بسياره وموفقه خير انشالله