|
يقولون كيف الحال واقول كلش زين%وانا والله ان قدلي واناحالتي حاله(جديد ضيدان بن قضعان)
السلام عليكم
هذي قصيده للشاعر ضيدان بن قضعان مدح
في صاحب السمو الملكي تركي بن محمد بن فهد
اضعها بين ايديكم
يقولون كيف الحال واقول كلش زين=وانا والله ان قدلي وانا حالتي حاله
علي من زماني مايشيب رموش العين=وعلى المتن حمل(ن)دامني حي بشتاله
لكن المصايب يوم تقبل من الصوبين=تحطم عزوم اللي على الضيم بلحاله
ياحظ المعافا اللي رزقه الله بوخيين=مهوب ان تضايق صك يمناه بشماله
او ان له عوال(ن)قد تعدوا ورا العشرين=عريبين خال وللثقيلات نقاله
وانا اكبر عوالي مابعد وصل عشر سنين=ولو هام نقل الحمل ماهوب محتاله
لكني ليامني تذكرت ابو جديين=بعد ماذكر الله واترجاه واساله
نسيت المصايب كلها والزمان الشين=ووقفت طولي كني السالي الداله
عسى عمر تركي بن محمد ورا التسعين=وعلي العز والطاعه يهرونه عواله
ملاذي وتاج الراس ماهوب من ذلحين=قديم المواقف كل ماكبرت القاله
متى ماحداني الوقت والليل جا ليلين=نصيته ويا سعدي نهار اتعناله
ولامن حداني القيض رمضا ولال وبين=يسعدي ليامني تظللت بظلاله
ولامن حداني الفقر والقل ولا الدين=علي يشهد الله يغني الحال من ماله
ولامن تعادالي من الناس متعادين=قويين مال وفي ذرا الحكم عياله
يوقف كما وقفت فهد في سنة تسعين=مع اهل الكويت ووقفة العز قتاله
علي فضل ربي ثم فضله وانا من وين=جمعت الجمال وصرت من جيز جماله
عوالي واهل بيتي وبيت الحجر والطين=من افضال ربي رازق الطير وافضاله
لو الديين يسمح كان سمييت تركيين=على تركي اللي يحتمي العلم لاقاله
ليامن وعد يافي ولامن نخووه يبيين=كما ما يبين طويق في نجد وجباله
حليه حفيت الشامخ اللي جنوب العين=طويل(ن) قليل الحيل ماهوب يرقاله
هذا وصف تركي بالفعل بالقسا واللين=اقوله وغيري من هل العرف من قاله
واذا طاب تركي لاغرابه ولاتخميين=اقل الفخر لو طاول الغيم بعقاله
مادامه حفيد اللي عجز كاتب التدوين=يدون مواقيفه على الارض وافعاله
فهد وان تذكرنا فهد يامعين تعين=يموت(ن)نساء الارض ماجابن امثاله
تطيح المدايح دون قدره وانا مسكين=لو امدح زعيم(ن) من تهقواه ماطاله
هذا جد ولا الجد الاخر عمود الدين=ذرانا من صدوف الليالي وحناله
جنود(ن)لنايف كلبينا ومكتملين=تحت الامر رجليه وحفيا وخياله
ابوسعود الامن اللي كما السيف ابو حدين=حكيم(ن) عوال العود فالضيق تلجاله
جدوده جدودن كامليين ومجنيين=من العود ابو تركي وابو خالهم خاله
وابيه الامير الحاكم العادل اللي وين=ماهبت هبوب العز قامت تحراله
على الشرق حاكم صارله من ورا العقدين=ونعرف مباديه ولانجهل افعاله
حصان(ن) ليا منه طمر سكت الواشيين=حليم(ن) كريم(ن) جعل فال السعد فاله
ليامن عطى بيده يتاما ومحتاجيين=مايكتب على الصفحات شوفوا وش اعماله
جنا راس تركي من خوال(ن) على الهاقين=كما من هقا نجم الثريا ولا جاله
الين ارتكا تركي على هامة الضلعين=كفو والكفو شقر الفناجيل تعباله
وختام الكلام اقول يالسامعيين اميين=عساني فدا تركي وعمانه أله
__________________
نلح بقعا بليـا كـور و حـــــــداجـه=حتى طويل المدى فضّــا مزاهبنـا
نستر بيوت الندا عن كل هـــــرّاجـه=كنوزنا الصبر والشيــــمه رواتبنـا
|
17-01-2009, 12:52 PM
العرض المتطور
