السلام عليكم ورحمه الله وبركاته
هذه الصفحات هي فقط لشعر المتألق : محمد ابن الذيب
ونبدأ مع قصيدته في رثاء ابن عمه الشاعر المرحوم حسن بن مانع الرحيان
لأيامنـا نـظـام متغـيـر وللدنـيـا طـقـوس
بعض النفوس من الحزن تشره على بعض النفوس
ياليت هالعالم سوى في الحزن حتـى مـا نـدوس
قولو لساره بنت ستـر القـوم والحـد محـروس
تفاخـري يالعيطمـوس وسولفـي يالعيطـمـوس
الحزن وسط القلب مثل النبت في القاع مغـروس
وانا من الشعـار شاعـر مـا تتعبـه الهجـوس
يامل قلب(ن) كل ما مال الغصـن والريـح كـوس
وبدت على الوجه الرضي علامه الوجـه العبـوس
الي ذوي ركابـه الخيـل ورى صلـف التـروس
ياسل حالي سل كبد(ن) في طرفهـا شـق مـوس
ورحمـة الله وبركاتـه ياحفيـد اللـي تــروس
لو ان مالك عيد يحسب لك مثـل عيـد الجلـوس
تكفى يا بو ماجد اثـر الحـزن منطقـه معكـوس
أول ماودعتك وأنا خاابرك ضرس من الضـروس
ولاذكرت مـن التجـارب والعبـر ولا الـدروس
ارتـاح للعبـد القـوي إلا فـذا اليـوم العبـوس
يوم اجتمعنا عند قبرك لو مـا تسترنـا اللبـوس
قصيدة أمي
ياحسن من عادني طفل مانيب أسمّـي
كل ماقالوا عروبه قمت أشمّـر كمّـي
اسمع بقوميـة معمـر وذبـح الذمـي
بس أنا من هل قطر ولانيـب مهتمّـي
عندنا أكبر قاعده تشرب زحاح السمّي
أي واحد منكم يحـاول يفـوّر دمّـي
مشكلة شاعركم انه مايخـص يعمّـي
ابردي يالهفـة الجمهـور والا حمّـي
وياهجوسي نمّي الفكـره وانـا بنمّـي
من ثمان سنين أبغى اكتب قصيده فأمي
وانته جنوبك كبار وعظمـك الملتمّـي
لين مرّه من حدى المرات لدّت يمّـي
قالت محمد وقلت عروق قلبـي سمّـي
قالت العجمان لو تطمع بشربت دمّـي
قلت لاتموتين والا مت شيلـي همّـي
دوريلـي ثـار مايمتـد لابنـا عمّـي
انحري عود الضلوع الكايدات وزمّـي
وخلّي اذنش ثابته واللي تسولف فمّـي
ويمكن أطلّع ابي من قبـره المنطمّـي
أذبحوني يآل مرّه واستبيحـوا دمّـي
لاحد يفهم خطا ترى القصيدة في أمـي
@@@@@@@@@@@@
تكفين ياالساحه ابي مسلسل غليس
اذا الوطـن لمواطنينـه كوابيـس
تعبت وانا اعيش خلف الكواليـس
امتر الشاعر واكيـل الدواعيـس
ياتل قلبي تلـه الهجـن فالريـس
اوتل قرنـاس مابيـن القرانيـس
تشبه نسانيس الصحاري نسانيس
الاوله حسب ظروف التضاريـس
ترى الحياه العامـره بالنواميـس
الياامتلك حاجـه بعينـه لاباليـس
لوقصرت كفه عن الكسب اوليـس
ثوره تمنـي فعلتهـا الهواجيـس
وانا قريت ان الغنـى فالقواميـس
ان الفقير اللي ماعنده احاسيـس
كلام من واقع لكـن فيـه تلبيـس
زكاتكم واجب ياصـراره الكيـس
يقول سيدنا الخضر تقدر تقيـس
ولوقال اعضاء التجـاره مفاليـس
هدهد سبا اسلم على يده بلقيـس
ياكوكب الارض الخلايق متاعيس
هاجر الى حد النجـوم المناكيـس
المجتمع اما قضـاه او جواسيـس
على سفينه نوح من كـل جليـس
في ذكرى وفاة الشاعرة القطرية الراحلة ( صدى الحرمان )
هذا ما كتب محمد بن الذيب العجمي
وسر يا ليل وانته ليل وحسابك علـى السهـران
على وجه البسيطة..أفرق الماضي مـن المليـان
وبعد هبّت على خشمي هبايب موسـم الأحـزان
أنا عز الله إني..ما نسيتك يا صـدى الحرمـان
تجمّعنـا مساحـات الأدب..والحـزن والقيفـان
كثر ما الهـم فـي قلبك..ديـون مالهـا ديّـان
أشوف إن في قصيدك سلطة الحاكم على الرعيان
أنا لي بنت فكر مـن وصلهـا علمـك مسيّـان
لو أن ما يرهب الشجعان..لا من فرّوا الشجعـان
أي والله ببكي وبنثر دموع المعرفة مـن شـان
وأنا لولا الأحاسيس النظاف وصـادق الوجـدان
لو إن ما أنتي بعجمية تعازيهـا علـى العجمـان
لو إن ما أنتي صحابية لها بين الصحابـة شـان
لكن يا قلب ياللي فيك..غصـن يابـس وذبـلان
اهي مثل الأديب اللـي توفـى ظامـي وجيعـان
وأنا مثل العزيز اللي يعرف إن الفقيـر إنسـان
وهي تدري ما فيه أقسى من مفارق ربى الأوطان
وأنا اللي ما عرف نعمة تساوي نعمـة النسيـان
عليها من تباريـح الحـزن آيـة مـن القـرآن
14-12-2008, 02:47 PM
العرض المتطور
