قصيدة / هجائية في أمراء هذا العصر0
--------------------------------------------------------------------------------
هذه القصيدة / وصلتني عبر الجوال وهي هجائية في بعض أمراء المراكز اللي يتشبث بمن هم أكبر منه شيخة ومقام0
يالله ياللي ماعلى يدينك أيديــــن ============= يادايمٍ وغيره من الخلق فاني
منك العفو ياخالق أدم من الطين =========== وفيك الرجاء يللي بجوده كساني
يالله دخيلك من دعاوي المظلين ============= اللـــي بلاهـــا لو خفا ماخفاني
اللي تغط النور لو نورك امبين =============== والـزور تشهـــد به عيانٍ بيـاني
لايازمان الفين والفين وأثنين ================ وش عاد باقي من الغثا مأستباني
شيخت ولد اللاش والبوم والقين ============= والحق عشـــره عودت بك ثمــاني
روؤس العرب ساويتها بالكراعين ============== لاوالله الاحان تالي الزمانــي
حتى أستوى شبوطها بالشياهين ============= وشمل الذيابة فرقته الحصًاني
ياللي ترد العلم دوكيه ذالحين ================= بيتين غيضٍ وردها من لساني
حاضر بحاضر مابها قول بعدين ================ من فضل جود اللي بجوده عطاني
وأجهر بها قدام شيخ الخبالين ================= جعلة فدا الشيخة وبنت الحصاني
يبقى ذنب لونصبته السلاطين ================== ماله مع إكبار الاسامي مكاني
وقله يقول اللي يصيب النياشين =============== مايكسب الطولات ولد الهداني
أبك انت مالك في المراجل مضامين ============ حتى تهقوى للعلوم السماني
أستغفر الله لاانت دنيآ ولادين================== مالك ولا لآقصــى جدودك بياني
أركد وعاين مقعدك يامسيكين================== وأرفق ترفق مانت حمل عصياني
مافدت ياولد الردي غير ثنتين ================== رعديد باس وفاللقاء هلقماني
لاكن توقع وأخذها بين قوسين ================ ياعير لاتصهل صهيل الحصاني
لو نصبك سلمان يابارد العين ================== لاتحسب انه لك مع هل الشآن شآني
لاانته دويش مطير والا ابن حثلين================وانته أبن هندي ولاانت العماني
بلا قصور ٍ بحق قاصين وأدنين =================وكل على مقدار ذكره يباني
مثلت بزحول الرجال المسمين =================== اللي نباها عند قاصي وداني
رؤس الرجال اللي تذري من البين ================ كسابة الطولات طوال اليماني
اللي لشيختهم شهود وبراهين===================== مهيب من شيخات تال الزماني
شيخان نجد اللي على العسرواللين =============== تنصى ملافيها كرام المجاني
شيخاتهم ماجاتهم بآمر تعيين ====================مرسين أشدتها بحد السناني
ماهو بصقع الهرج وسط الدواوين=================== يومنها صارت بآمان وطماني
ومدحٍ على أهل المدح اي والله أيزين================ من زين مبداء طيبين المجاني
ومدحٍ على غير أهله طرقه يشين ===================== لوكان يحشى من سمان المعاني
ولاتدخل الشكات كود الرديين ===================== قد قالوا الطيب وسيع البطاني
هذا الصحيح اللي عليه البراهين ===================== صغته قصيد 00 وسلم الله لساني
المعذرة : اذا كان فيها نقص لاانها وصلتني بالجوال وفيما بعد سوف أصل الى قائلها0 وأذكر أسمه0
منقول من منتديات عتيبة
29-08-2008, 03:47 PM
العرض المتطور
