ان عشت ياراسي كسيتك عمامة ,,, وان مت يا راسي فدتك العمايم

[مري كووول]

الشاعر الفارس/محمد بن سرار المنبهي عليه رحمة الله فارس من فرسان قبيلة شهران العريضة (جنوب المملكة العربية السعودية)


قصة القصيدة/

أرسل الشاعر ابنه (عمرو) للعوده وهو مع خواله "سبيع" ليعيد ابل جاره التي أخذها القوم (وتبين فروسيته وفزعته وحميته للجار ولكل من طلب العون) ..
هذه القصيدة بدأت بالبيت المشهور الذي انتشر وتناقله الجميع وبقي محفوظاً في ذاكرة التاريخ باسم هذا الفارس.. إليكم ما قاله ابن سرار

ان عشت يا راسي كسيتك عمامه
،،،،،،،،،،،،،،، وان مت يا راسي فدتك العمايم

يا راس شيبك ما بدا بك مذله
،،،،،،،،،،،،،،، والشيب تكرم به كبار اللمايم

الاجواد يكرم شيبها في مشيبها
،،،،،،،،،،،،،،، نقالة القاله محوص الصرايم

ياما نطحنا في الصبا من قبيله
،،،،،،،،،،،،،،، يوم الصبا والرمح للكيف رايم

و ياما خذينا تونا من كسابه
،،،،،،،،،،،،،،، بسيوفنا راحت تقسم غنايم

و ياما نسفناهم على جال وادي
،،،،،،،،،،،،،،، و ياما نحونا فوق سود الشكايم

اربع مية خيال جونا مسيره
،،،،،،،،،،،،،،، جونا يبون الغرس حلو الطعايم

وقالوا يسار الغرس والا يمينه
،،،،،،،،،،،،،،، امس لكم واليوم جا فيه سايم

وقلنا لهم من دونه الموت حامي
،،،،،،،،،،،،،،، اليوم نهدي الروح نخشى اللوايم

وثنيتها لعيون غرس بكاير
،،،،،،،،،،،،،،، يثمر بهيبتنا غصونه نعايم

واخذت اطاردهم وانا فوق قبا
،،،،،،،،،،،،،،، مثل الهدود اللي عن العشب صايم

تلحق ليا غارت ولا يلّحق بها
،،،،،،،،،،،،،،، شقرا ولا ضريتها بالهزايم

من يوم بان الفجر لين اعتلى الضحى
،،،،،،،،،،،،،،، وحنا نقلط للمسير عزايم

والله عطانا منصب الحق والظفر
،،،،،،،،،،،،،،، يوم التقت بين القروم الولايم

يوم اسلموا للمنع واسندت عنهم
،،،،،،،،،،،،،،، لياهم كما عشب لفح به سمايم

هذاك اسير وذاك يومه دنابه
،،،،،،،،،،،،،،، وهذاك مكسور وهذاك شايم

هذا زمان فات ما ينفع المنا
،،،،،،،،،،،،،،، يوم اذكر الماضي تزيد العضايم

الراس شاب وثالثة رجلي العصا
،،،،،،،،،،،،،،، والله يوقظ قلب من كان نايم

لعل قبل الموت نسمع بشيره
،،،،،،،،،،،،،،، بجاه من يحي العظام الرمايم

وصلاة ربي عد ما ذعذع الهوا
،،،،،،،،،،،،،،، على النبي واصحابه اهل الكرايم

وانا ابن سرار علومي قديمه
،،،،،،،،،،،،،،، ( محي عسرها طيب الليالي القدايم)

[$$> روح روحي <$$]

صح السان الشاعر
وتسلم يدك
لاهنت

[مري كووول]

المشاركة الأصلية كتبت بواسطة $$> روح روحي <$$

صح السان الشاعر
وتسلم يدك
لاهنت

ومن يقول


وحياك الله ياروح روحي


على المرور الاكثر من رائع

[فلاح بن جمل]

لآ هنــــت يــــآ مــــــرري كووول عــــلآ النقــــــــل القيــــــــــمـ ......!!

وصــــح اللسآنــــك واللســـــآن الشـــــــــــآعــــــــــــــــر..

ولــكـ جزيــــــــل االشكــــــــــــــر..

[مميز]

لا هنت على النقل


تقبل تحياتي

[غروك يا صغير]

صح لسان الشاعر

ولا هنت علي القصيده


تقبل مروري