من اجمل ما قرأت و سمعت ( هلاليه ) لـ / الشاعر طلال السعيد

[بــ ــــــــرق]

مساء الخير





اعجبتني و نقلتها لكم




.
.
.
.

مريت انا المطلاع والشوق هزّني = قبل المغيب وتوها الشمس غايبه
وفيّضت في عالي روابيه عبرتي = وكثرت على قلب المعنّى مصايبه
تذكّرت من نفسي تمنّى مودته = لاالقلب ساليها ولا النفس طايبه
لولا غلا ذكراه مارخصت دمعتي = لوكان عيني بازرق الدمع رايبه
هذا المكان اللي جمعنا وضمّنا = وهناك حاكتني وهي تقل هايبه
هذاك ماقفها وهذاك ماقفي = يوم اشّرت بالراس وارخت ذوايبه
لاعاد يوم عقب الابعاد شفتها = تجدد الجرح القديم بسبايبه
من عقب ماني فاكر انّي نسيتها = اوّل شرارة حبّ شبّت لهايبه
حفرت قبر الحب في وسط ضامري = من عقب ماهي باليات نصايبه
قالوا ملكها الغير مالك ومالها = برق بعيد ولاتحوشك سحايبه
يكفيك دور فات بينك وبينها = جنّب وخلّ الحب واترك نشايبه
قلت اتركوني هرجكم مايسرّني = والميت ماتحييه دمعة قرايبه
والنار ماتحرق سوى اللي يدوسها = جرحي وانا ابخص في دواه وطبايبه
ان كان روحي عقب الفراق شيّبت = سود الليالي عقب الاقمار شايبه
ولو كان يدرون الجماعه بقصّتي = محد عذل روح من الوجد ذايبه
اول معرفه بين عيني وعينها = كلام عين لعين نظرات صايبه
العشق كان لغيرها لين شفتها = ومن شفتها نفسي عن البيض طايبه
بالغصب فرّت موجة القلب يمّها = بالغصب قلبي طاع وانكر حبايبه
قعدت اماري وافتخر في جمالها = واقول هذا الزين شوفوا عجايبه
انا اندفعت وعشت في جوّ عاطفي = انا بنيت احلام وآمال خايبه
انا مع الايام تكبر مصيبتي = هذيك أعدّلها وهذيك عايبه
لو كان حرماني على الناس ينشكي = شكيت مير الناس ماهيب ثايبه
أشكي على اللي قادر انه يحلّها = يلهمني السلوان في كل نايبه
وأصبر واخبّي في حشى الصدر علّتي = واظن تالي الصبر تحمد عقايبه
واحبها في صمت واخفي مشاعري = وابكي اذا دار الشمال بهبايبه
ولابد ماعقب التفاريق نلتقي = انا وانت ياحب دفعنا ضرايبه
وناقف على المطلاع في نفس ماقفي =قبل الظلام وتوّها الشمس غايبه

لـ / طلال السعيد



تقبلوا تحياتي



بــ ــــــــــــــرق

[فهد بن مطلق]

حجز1

بدون منه

[الوفاء]

برق





هالقصيده بالذات دوم نقراها و نسمعها و لا نمل منها

صح ـالله لسان شاعرهااااا

و سلمتـ على ـإختيارك ـالرائع

ـلا عدمنا ذوقك .

[نـاصـر آل نـصـار]

والله طلال السعيد شاعر جزل بمعانيه

[فــلاح]

السلام عليكم ورحمة الله وبركــاته



يـا بـ ــــــــرق



لاهنـــت على النقـــل



وماهي بهــــّي

[فهيد بن سالم]

السلام عليكم ورحمة الله وبركاته



صـح لـسـانـك ولـسـان طـلاال الـسـعــيـد


وبـيـض الـلـه وجـهـك عـلـى الـنـقـل



ولااهـــنــت

[زبون المراجل]

قالوا ملكها الغير مالك ومالها = برق بعيد ولاتحوشك سحايبه
يكفيك دور فات بينك وبينها = جنّب وخلّ الحب واترك نشايبه
قلت اتركوني هرجكم مايسرّني = والميت ماتحييه دمعة قرايبه

اسيييين عليه

صح لسانك يا برق و صح لسان طلال السعيد و صراحة ً ما توقعت فالوقت الحالي احد ينظم
على الطروق القديمة مثل الهلالي و يبدع فيها __ لاهنت يا الطيب على القصيدة الجزلة تقبل تحياتي

زبـــــون