الطيـب ماكل الرجاجيل تقواه !!!!!!

[عنـ وافتخرــزي]

السلام عليكم ورحمة الله وبركاته

الطيب ماكـل الرجاجيـل تقـواه
طبع الكريم وفـي حياتـه مـراده

من قدم الطيب من الفعـل يلقـاه
دين (ن)على كل النشامـا سـداده

الطيب فعل(ن)وسط الاجواد مرباه
يسقيه قرم (ن) ماتحـرى جـداده

سوالجميل وخالق الناس يجـزاه
رب’ كريم وفـي عطـاه الزيـاده

كم واحد(ن)لو كان ضيفه من عداه
حلو القبال وعنده الجـود عـاده

كم واحد(ن)تاقف عن الطيب يمناه
فعله غريب وكـل دربـه قـراده

محدن على درب المواجيب ينصاه
همه يجمع مـن فلوسـه زيـاده

همه يجمع زايـد المـال والجـاه
وقرشه عزيز ولاينقـص عـداده

رب الولد في درب الاجواد ممشاه
ينفعـك لابيـن نهـارك سـواده

مثل الذي طيره على الصيد ينخاه
زانت على شوف الحباري هـداده

كل يحصل مازرع وسـط دنيـاه
والخير يبقـى للنشامـا سعـاده


اخوكم : عنزي وافتخر !!!!!

[فرااااج]

اخوي عنـ وافتخرــزي صح السانك على القصيده الرايعه الله لايهينك






تقبل مروري





.

[ريــــــانـه العــــود]

اخوي عنزي




صح لسان الشاعر

وصح اختيارك للقصيده

[وطـبـان]

كل يحصل مازرع وسـط دنيـاه
والخير يبقـى للنشامـا سعـاده


الأخ القدير / عنزي

صح لسانك إن كانت لك

وصح نقل وذوقك إن كنت ناقلها

فإن لم تكن لك القصيده

فــ حبذا نعرف شاعرها

وتقبل تحياتي ,,,

[وطـبـان]

كل يحصل مازرع وسـط دنيـاه
والخير يبقـى للنشامـا سعـاده


الأخ القدير / عنزي

صح لسانك إن كانت لك

وصح نقلك وذوقك إن كنت ناقلها

فإن لم تكن لك القصيده

فــ حبذا نعرف شاعرها

وتقبل تحياتي ,,,

[الاحرش]

صح السان شاعرها


وبيض الله وجه ناقلها

[عنـ وافتخرــزي]

وعليكم السلام ورحمة الله وبركاته

تسلمون جميعكم على المرور الرائع والقصيدة لا والله ماهي لي لكن اعجبتني ونقلتها

وبالنسبه لخوي المنذر ان شاء الله راح ابحث لك واعلمك من القائل ....

تقبلو تحياتي ...

اخوكم : عنزي وافتخر !!!!

[سلمان الخمعلي]

بسم الله الرحمن الرحيم

تشرفت بأن سجلت في هذا المنتدى الرائع

في منتدى قبيلة العجمان العريقه

وقد شدني وجود قصيدتي ( الطيب ماكل الرجاجيل تقواه)

بدون ان يتم الاشارة الي شاعرها لعدم معرفته

وحفظآ لحقوقي الشعريه ، ولان هذا المنتدى الرائع

يستحق المتابعه والمشاركه اضافة الي انه واجهة شعريه مميزه

فقد اردت الايضاح والاحاطه

علمآ بأن هذه القصيده مسجله في شبكة مجالس قبيلة عنزه

على الرابط

http://www.3nzh.com/vb/showthread.php?t=21167

بأسم / سلمان الخمعلي

شاكرآ لكم قبولي بينكم

والله يحفظكم 00