((تعيش وتشوف))

[دااانة البحرين]

السلام عليكم ورحمة الله وبركاته





موضوعي ينطلق من المثل اللي يقول



((تعيش وتشوف))



واللي شفته شي يقهر و يبط الجبد



بقولكم السالفه وآبي رأيكم بهذا الموضوع وتؤيدوني أو لا


في الويك أند و المجمعات زحمه والمطاعم حدث ولا حرج


كنت طالعه مع العضوه العزيزه صغيره على الحب وبنت أختي العزيزه نور البحرين


تسوقنا وقلتنا نروح انتغدا بمكان بعيد عن الزحمه و الازعاج بالمجمع


أصرت صغيرونه على مطعم معين ومع أني ما أحبه لكن قلت مابردج يا بنت الجيران




دخلنا الطاولات كلها محجوزة و زحمة

عطيناهم رقمي عشان إذا فضى المطعم يكلمونا

4 دقايق إلا التليفون يرن ... المطعم يقولون حجزنا لكم طاوله 4 كراسي
واحنا 3
طبعا الكرسي الرابع للاجياس والشناط




المهم مو سالفتنا الكرسي الرابع نرجع للطاوله وهي محور حديثنا




طلبنا غدا وأثناء الانتظار


ألتفت يساري إلا عائلة داخله ... الأب وزوجته والعيال ومعاهم وحده و(الخدامة)

خلكم مركيز معاي بالخدامه
بوصف لكم الخدامه (فلبينيه جينز وقميص و كعب وشنطه طقم والشعر مفلووول)
وبصراحه موحلوه بس مو شينه



طبعا بسألكم وين تقعد الخدامة











طبعا بتردون و بتقولون لي






: عالطرف آخر الطاولة >>> هاذي وانتوا حاشمينها مو مخلينها تقعد بطاوله بروحها





طبعا المتعارف أن الخدامة تقعد آخــــــــر الطاولة مع اليهال
والأب والأم يقابلون بعض



لكن اللي صار

الأم قاعده بآخر الطاوله مع اليهال واللي معاهم

و الأب وقعدت الخدامه مجابلته





و الأم رايحه ضحك وسوالف وأنا قاعده ميته قهر




يعني في ناس عندهم حسن نية لهدرجه أوثق بخدامه ... نترك حسن النية وين الغييييييييييييييييييييييييييره

>>> تخيلي معاي أنتي آخر الطاوله و زوجك مجابل الخدامة




والله حسيت اني بقوم انصحها وأوعيها وافهمها >>> (وحده مندمجة)

بس قلت مالي شغل ..
شوي ما تتقبل مني وأتقولي خدامتي واثقة فيها أنتي مالج شغل


شلون ارجع الطاولة وأشوف ويه النذول اللي معاي بيخلوني شماته



>>> أما مندمجة رايحه مقومه الخدامة من مكانها
Sits there… madam sits here


>>> وأقول للأم أنتي يالمغفلة قومي قعدي مع زوجج



المهم وصلنا غدانا وانا عيني تراقب ريول والخدامه والأب >>> قاعده لهم قعده الخدامه ووراعي البيت


كملت من مراقبة الريول

ألتفت جدامي إلا طاوله خليجيين توهم واصلين
البنت منقبة محترمه ومعاها زوجها



شوي إلا المحترمة ماده يدها لزوجها شوي ومسكها
وحركات من الزوج والله أني استحي أني أقولها


إلا أقولهم كملنا من الخدامة وأراقب ريولها عشان ما أعطيها فرصه تلعب بذيلها طلعت لي هاذي


اخلص من مراقبة الريول تطلع لنا الايادي



نور وصغيرونه ما يشوفون اللي أشوفه

يقولون لي شفيج ؟؟؟

جان وصفت لهم المنظر

قلت لهم لا تلفتون منظر يــجــرح مـشـاعـركــم و خادش للحياء






جان تلتفت صغيرونه و تبقــق عينها وكل علامات الاستياء بدت على ويهه




أنا شفت ويه صغيره على الحب قعدت اضـــحـــك




نترك ردود الفعل ونرجع للمحترمين

حسيت بقوم بقعد وسط طاولتهم




وأقولهم
عــــــيـــــب عليكم هالحركات ... هالحركات تصير بالبيت أو مكان للـعــائــلات فــقــط >>> بالنبرة الحازمة

مو هني وسط الشباب والبنات استعراض عيني عينيك




وهالموقف متكرر على أكثر من مره

أبي اعرف الخليجيات المنقبات إذا يزورون البحرين ويشوفون بنات بنفس المكان هالحركات لييييييييش

غـــيـــره و الا قـــلــة أدب وإلا استــعــراض وإلا ما يحصل لهم بديرتهم (اخ لو يصيدونهم الأمر بالمعروف)


وإلا شلون أفسر هالمسخره ؟


بصراحة ظاهره جدا منتشرة بالمجمعات والأماكن العامة

وما أقول إلا عيب عليكم









والحمدلله تغدينا وحلينا و قمنا قبل لا احد يحذفنا بصحن




واترك لكم التعليق على الموقفين الأم مع الخادمة والمنقبة المحترمة


>>> سوري حاطه رموز وايد بس احب التمثيل وأنا اتكلم

[AgMi.cOm]

دانه

بالنسبه للخدامه ..لايكون زوجته الثانيه اللي تحسبينها خدامه ...

بالنسبه للمنقبه بقوللك السبب :

لوكان عندهم مكان ثاني يسوون فيه حركاتهم كان راحوله

غلط مطبعي :

منقبه محترمه.. وازواج

اللي اختشوا ماتوا

تحياتي

[دااانة البحرين]

المشاركة الأصلية كتبت بواسطة AgMi.cOm

دانه

بالنسبه للخدامه ..لايكون زوجته الثانيه اللي تحسبينها خدامه ...

بالنسبه للمنقبه بقوللك السبب :

لوكان عندهم مكان ثاني يسوون فيه حركاتهم كان راحوله

غلط مطبعي :

منقبه محترمه.. وازواج

اللي اختشوا ماتوا

تحياتي

((AgMi.cOm))




ياهلا حي الله أخوي

لاياخوي ابصم عالعشره خــدامه كانت تشيل اليهال
بس اتوقع لها مستقبل زوجه ثانيه


اي والله اللي اختشوا ماتوا



عيب اللي يصير بالأمكان الــعـــامــه



تسلم أخوي على ردك الطيب

وأسعدني مرورك

[سهوم بقعهـ]

ــههههههههههههههــ يقطعّ سوالفشّ من بنيه

علآمشّ يآختيّ قاعدة لهم بالمرصاد . < من راقب الناس مات هماًً


والفلبينيه عـ/لى قولة الاخ ^ يمكن زوجته نمبر2 ..

أما طيور الكناريّ خلشّ منهمّ الظاهر توهم متزوجين بكرآ تلقينهم يتراقعون .. تكفخ وحاله


لو انيّ منشّ يا دن دن كان خذيت الطلب [ تيك أويّ] .. وفكيت عمريّ من الأرف وعماة العين .. اجل مقابل خدامتهم .. مااقول الا استغفرالله العلي العظيم


موضوع حلو ويلآمسّ الواقع الذي نعيشه ونتمخطربه // والأهم من كل هذآ وذاك انشّ حليتيّ

يآ جعله من مدآخيـــــــــــل العافيه يآ رب ..

تحيـــــــــــآتيّ

[دااانة البحرين]

المشاركة الأصلية كتبت بواسطة سهوم بقعهـ

ــههههههههههههههــ يقطعّ سوالفشّ من بنيه

شنسوي بعد



علآمشّ يآختيّ قاعدة لهم بالمرصاد . < من راقب الناس مات هماًً

ههههههههههههههههههههههه
ياختي مو كنت قاعده بحالي أهم اللي قعدوا يمي








والفلبينيه عـ/لى قولة الاخ ^ يمكن زوجته نمبر2 ..

الله لايوفقها اذا هاذي نيتها







أما طيور الكناريّ خلشّ منهمّ الظاهر توهم متزوجين بكرآ تلقينهم يتراقعون .. تكفخ وحاله



طيور الكناري كان عندهم استعراض
بس أدبنااااااهم شكلها بتحرم تستعرض جدام الناس




لو انيّ منشّ يا دن دن كان خذيت الطلب [ تيك أويّ] .. وفكيت عمريّ من الأرف وعماة العين .. اجل مقابل خدامتهم .. مااقول الا استغفرالله العلي العظيم

شفيج برنامج حق الضحك والفرفشه


والله رفعت ضغطي تعرفين ليش



بقولج سالفه توها صايره
الخدامه تزوجت راعي البيت (شيبه)
العيوز خيرته بينها وبين الخدامه ... طبعا طلق الخدامه

ومات والخدامه ورثت البيت وطردت العيوز من البيت

عشان جذي اندمجت وايد بموقف الخدامه





موضوع حلو ويلآمسّ الواقع الذي نعيشه ونتمخطربه // والأهم من كل هذآ وذاك انشّ حليتيّ


يآ جعله من مدآخيـــــــــــل العافيه يآ رب ..

الله يعافيج ياقلبي



تحيـــــــــــآتيّ

((سهوم بقعهـ))




تسلميييييييين ياقلبي على المرور الحلو

اسعدني مرورج

[ريــــــانـه العــــود]

دندووووونه




موضوعك روووووعه

واذا على الخدامه مااقول الا اللهم لا شماته والشرهه مو على الرجال على مرته اللي مخليه الوضع سايب بس يمكن جايبتها عن حس نيه

وبالنسبه للمتزوجين وربي عندنا وعندكم خير واذا صادتهم هيئه الامر بالمعروف والنهي عن المنكر وش بيقولون لهم متزوجين هذا عندنا بالسعوديه

بس والله عيب قدام العالم يسون كذا الله يهديهم

بس معلومه بسيطه مو كل الخليجيات المنقبات اللي يجون للبحرين سواء متزوجات او مو متزوجات يسون حركات قله ادب زي ماتفضلتي والا بديرتهم يسون واردى
وطبعا مو الكل الا ماندر
بس يمكن في البحرين لهم مجال اكثر للتفتح وعلى قولتك مافيه هيئه الامر بالمعروف

اسفه على الاطاله والله يعطيك العافيييييييييه

[دااانة البحرين]

المشاركة الأصلية كتبت بواسطة ريــــــانـه العــــود

دندووووونه


هلا والله وغلا





موضوعك روووووعه

تسلمين ياقلبي من ذوووووقج





واذا على الخدامه مااقول الا اللهم لا شماته والشرهه مو على الرجال على مرته اللي مخليه الوضع سايب بس يمكن جايبتها عن حس نيه

مو حسن النيه اترتب عليها مشاكل





وبالنسبه للمتزوجين وربي عندنا وعندكم خير واذا صادتهم هيئه الامر بالمعروف والنهي عن المنكر وش بيقولون لهم متزوجين هذا عندنا بالسعوديه

على الأقل فيه احد يحاسبهم .. الأمر بالمعروف اذا وحده تحط عطر وقفوها يكلمونها
الا تسوي هالحركات بمكان عام



بس والله عيب قدام العالم يسون كذا الله يهديهم

عداااج العيب







بس معلومه بسيطه مو كل الخليجيات المنقبات اللي يجون للبحرين سواء متزوجات او مو متزوجات يسون حركات قله ادب زي ماتفضلتي والا بديرتهم يسون واردى
وطبعا مو الكل الا ماندر

منقبات أو غير منقبات حتى لو مو متحجبه .. تحصلينها بأحترامها ماتقدرين تقولين عنهم كلمه غلط
فارضه احترامها لو وين تكون





بس يمكن في البحرين لهم مجال اكثر للتفتح وعلى قولتك مافيه هيئه الامر بالمعروف

مو أبي أعرف السبب
لايكون قايلين لهم غيروا اسم المنامه لــباريس

ولو لو عندنا تحرر أكثر يبقا ديننا وعاداتنا وتقاليدنا رادع




اسفه على الاطاله والله يعطيك العافيييييييييه

((ريووووووووووووونه))




تسلميييين ياقلبي ويعااااااااااافيج ربي حبيبتي


اسعدني مرورج

[Golden]

ياشيخه من راقب الناس مات هم

الا على الطاري كليتي الوجبه ولا ما امداش تاكلينها << مشغوله في المراقبه

نقول وبالله التوفيق << الشيخ قولدن من هيئة الامر بالمعروف والنهي عن المنكر

بالنسبه للحاله الاولى نقول ان الخادمة افرطت في الزين والتكشخ مما ادى الى انها تاخذ مكان الزوجه ..والله العالم او يمكن يكون بين الازواج خلاف (البيوت اسرار) وحبت تعطي زوجها درس في التطنيش وقالت روحي اقعدي قدام باباه والزوجه تناظر زوجها وترفع حواجبها وتقول خلها تنفعك ..

اما بالنسبه للحاله الثانيه فهذي قلت ادب

[دااانة البحرين]

المشاركة الأصلية كتبت بواسطة Golden

ياشيخه من راقب الناس مات هم


أخوي كانوا بكان عـــام ومــفــتــوح مو أنا بس اشوفهم الكل كان يـشـوف
كانت ملاحظه مني فقط


الا على الطاري كليتي الوجبه ولا ما امداش تاكلينها << مشغوله في المراقبه


ههههههههههههههههههههههه

اي الحمدلله


نقول وبالله التوفيق << الشيخ قولدن من هيئة الامر بالمعروف والنهي عن المنكر


تفضل الشيخ قولدن




بالنسبه للحاله الاولى نقول ان الخادمة افرطت في الزين والتكشخ مما ادى الى انها تاخذ مكان الزوجه ..والله العالم او يمكن يكون بين الازواج خلاف (البيوت اسرار) وحبت تعطي زوجها درس في التطنيش وقالت روحي اقعدي قدام باباه والزوجه تناظر زوجها وترفع حواجبها وتقول خلها تنفعك ..






الله يهديها ويحفظها (الزوجه) ويكفيها شر الخدامه









اما بالنسبه للحاله الثانيه فهذي قلت ادب


والله على اللي شفته أكثر من قلة أدب

((Golden))


تسلم اخوي على الرد الحلو

ودايم تحرجني بطيبك

يعطيك العافيه يالشيخ

وأسعدني مرورك

[عزوف]

واللـــــــه يا الدنه

عشنا وشفنا ويا ما حنشـــــــــوف على قولتهم !

اما سالفة الخدامه بصراحه معزبتها صخله

طيب بتقعدين مع عيالج والخدامه مع المعزب مو مشكله !!!!!

ليــــــــش كاشخه بالله ؟ << الخدامه طبعا

يعني اشكــــــــرا تقول انا هبله وعبيطه << طبعا المعزبه

اعوذ بالله من سوء الظـــــــن يمكن على قولة الغاليه سهوم بقعه

يمكن زوجته نمبــــــــر 2


تراني للحين ما سكه نفسي وما انهديت << هالمواقف تنرفــــــــز وانا ماكو كنترول بالمره

اما بخصوص كناري الحب

يمكنها مو مصدقـــــــه مسكينه !

بجد يغثون لا وابشــــــرج بعضهم بالسوق اتجلّب بالرجال جنه بينحاش

صج عاهات ...

الله لا يبلانا


بــــــس تدرين

عفيه عليج مسكتي نفسج (( وين الحديد وفريد )) انا وحده من الثنتين يا أخربها يا اطلع من المكان وأقعد متكدره يومين ! << شكــــــــو ! صج خبله !


مــــــن رحمة ربي فيني اني أحـــــب الهدوء وما أحب الزحمه ولا أروح المجمعات بالويك أند الا الضحى والمطاعم انقي الهادي منها والكباين أفضل والا جان طاق فيني عرج وميته من زمان


ترانى كثرت من الرسوم التعبيريه علشان تستانسين