طــــويق قــــرب اذنــــك شـــوي ..

[سعد بن سريّع]

الســــلام عليكم ورحمة الله وبركاته

ما حــــلا طـــرق العصيــــر وزيــــن صفـــه = دون راس طويــــق والشــاعر غنـــاوي
كــــل ما قربــــت منــــه جـــــات لفــــــه = والله انـــي خابـــر ٍ ماهــــو قصــاوي

[فــلاح]

وعليكم السلام ورحمة الله وبركاته

أرحب يـالغنـاوي , أبـرك السـاعات , والله يستـر منــك ..

أستلم طال عمرك ..

كـل رجـال ً يبـي مـراده وشفــّه=ويـاطويـــق النـاس تقتــلها الهقـاوي


الغنـاوي لو جهلنـا مـّد كفــّه=قـلـت: واحـد ضـرب واحـد .. كم يســاوي .؟

[سعد بن سريّع]

تبقا تبقا يالاميــــر , , الله يبارك في عمرك

الزعيــــم اللــي تــــزعم لــــه مخـــفّه = والعــرب تحســـبه براق ٍ سنـــاوي
صاحبـــه في قلبــه من الزور عفــّه = نــــاتج الحســـبه بقا براس "الغنـــــاوي"

[فــلاح]

استلم طال عمرك ..

من كسـب قسـم ً بمـسنـــونـه يـكفــه=واللحـاسـه ماتوكلـّك الكــلاوي


يوم شفـت الرجـّل جـاك يدق دفـّــه=لا تعـرضـّه الهـوى قلبـه هواوي

.
.

[سعد بن سريّع]

استلم انت يعني انا اللي صايد الحركه

انت ياراعــــي اللبــــن طـــالبك صفــّه = صاحبــــك من سلعتك ماهوعماوي

خابر اللي جا صحيبه عقب دفه = ثم قعد وياه في بير الشـــواوي

[Imagination]

لا عجمتوا ونحتري تالي العلم

[فــلاح]

البعيـر اللي عذاريبـه بـ خفـه=ما يهـمه هـرج منجـوم ً وغــاوي


يامحلف دينـك مع الاجواد وفـه=لا تورّد غير من عـد ً رهــاوي

.
.

[سعد بن سريّع]

امجينيــشن مرحبا ومسهلا

البعيــــر النــــود في خشــــمه تزفــّه = يـــوم ســرحان الخــــلا فالرجــــم عاوي
كـــل منا في يده ديــــــنه يضفــــّه = كــــان شيـــخ ٍ فالبـــــلد ولا فـــــداوي

[سعد بن سريّع]

طويق صح لسانك ولاهنت ابدعت جعلك تحيا واجهدتنا فالخبيب
ولنا لقاء اخر ان شاء الله باذن الله ,,


دمت في حفظ الله ورعايته


الغناوي

[فــلاح]

صح بدنــك يالغنـاوي ولاهنت وبيــض الله وجهـك

تشرفــت باللعب معـك ..

امجنيشن لاهنت على المرور المشرف وبيض الله وجهك ..

تحيــاتي

طويــــــق