من غير أي تعليق
يوم نشدوني عن دموعي وانـا امـك *** جــــاوبتهـم وابعدتهـم عـن طواريـــك
ما ابغى اجرحك في كلمة تزيد همك *** ما ابغى اقول ان السبب من تجافيـك
يومي لمست الصدر في يوم ضمـك *** نسيت انا اللي حولي وقمت انا أبكيك
يـــامــــا سهـرت وزاد غمـي لغمـك *** مـا ارتـــاح ليمن تهتنـي فـي لياليـــك
ويــامـــا الـى طولـت نومـك أشمـك *** وأتــأكد إنك عايـش لـي وانـا أرجييـــك
ويــاما زعلوا منـي خـوالـك وعمــك *** ويــامــا هجرت أقرب قريب ضحـك فيـك
ويــاما ذرف دمعـي الى سـال دمـك *** بـــراءة الأطفــــال مـــا هيــب تنهيـــك
وياما انتظرتك عند بابي وأنـا أمـك *** وأقـــــول فــي يــــوم تجيـنـــي وأحييــك
أخـــــاف مـــن يـوم يجينـي يغمـك *** ويجيـــك علمــي مــــع عزيـــز يعزيـك
انـــا علـــى الله داخلـــه ثــــم لـمـك *** ارحــم قليـــب تالـي الليـــل يشكيـك
فكر بمنهــــي صابهـا ضيـم ظلمـك *** واذكر حشــا ضمـك وعسر المساليــك
ودي اشوفك قبــل يومـي ويومـك *** لــــو مــــرة بـالـعـــــام يـالله يخلــــــيـك
ما ابيك تقطعنـي إذا أمـري يهمـك *** بقعد معـك واضحك واســـولف وأحاكيـك
يا وليدي اذكـر كلمـة قــــال فمـك *** ليقلـت كلمــــة يـــوه قلبـــــي يلبـيــــك
واذكر زمـان بـه فراشـي بجنبـك *** والــــى شكيـت تقـــــول يمـــه واسليـــك
والى اشتد ما بك فوق كتفي أزمك *** ما ارتـــــاح لحظـة ليــن ربـــي يعـافيـك
والختم ليجتك الرسالـة وانـا امـك *** يمـــا تجــي والا انــي ازحف وانــا اجيــك
منقولة (غير معروف الشاعر/الشاعرة لدينا)
09-06-2004, 04:04 PM
العرض المتطور
