بعد راح الظلام وشفت نور الصبح يمي مال = تحديت العنا يومه سبـب قومـة شياطينـي
اجر الصوت واغني ودمعي بآخـر المـوال = وابكي من سمع صوتي وحزني ساكنٍ فينـي
الا ياعيني ابكي لابو الحاسـد مـع العـذال = مدام اني عزيز النفـس ودموعـي تسلينـي
صبرت وعادت الرجال يرسي والحمول ثقال = مدام ان الغرام الجـرح والفرقـا سكاكينـي
قصيدي نادلي بنتٍ هواهـا بالحشـى شعـال = والى من انطفى نور الهوى قامت براكينـي
بفهمها الظروف اللي حدتني والزمان اهـوال = وافهمهـا تقاليد العـرب والنـاس داريـنـي
تعودنا على الغربه تعودنـا علـى الترحـال = فمان الله يـا اغـلا حبيـبٍ صامتـه عينـي
انا ودعت واودع بصمت ولا ابيـه اجـدال = وقبل مامشي ابي تعرف مكانك وينك وينـي
انا فزيت من نومي وشفت الحال مامن حـال = لاني طيّب ولا خيّب وكـن الهـم طاوينـي
خطا واكبر خطا شوف الخطا باقي بعد مازال = ومادام ان الخطا واضح واشوفه ليش يغوينـي
ياما حاولت واحاول ولكن مـن يهـد جبـال = وبكذب يالسراب اني اقـول انـك بتروينـي
وعزمت اللملم جروحي واصير بدنيتي رحال = وعرفت ان القـدر امـرٍ يمشينـي يمشينـي
وحصلي قصةٍ تبكي الغرير وتغبن الرجـال = حرام انها سنـه وانهـا تصبحنـي تمسينـي
مع ذيك الخجول اللي ادلعهـا دلـع اطفـال = اربيهـا وادلعهـا وهـي داخـل شرايينـي
اسمي واذكر الرحمن يحميها حسـد انـذال = واخاف الناس تجرحها وهي تستاهل الزينـي
اعلمها وافطنها وهـي تسمـع بوسعـة بـال = واشوف ان الادب منها وهي بالحب تغلينـي
اناديها تلبي لـي عسانـي معدمـه لا قـال = فدية عيونك ان كانك بدون النـاس مغنينـي
تعاهدنا على الحب العفيف وغايـة الاجيـال = وبنينـا بالغـرام اكبـر صـروحٍ للمحبينـي
والا ياكبر حظه يوم زفوهـا وهـو الخيّـال = خذاله مهرةٍ تسحـب رسنهـا فـي ميادينـي
خذاها والقدر قاسي وصارت كنهـا الامـال = سحابة صيف مرتبي وعيـا الغيـم يسقينـي
ياكيف وليه راح الحب كنه نثـرت الفنجـال = اشـب النـار والدلـه تفـوح ولا تقهوينـي
عسا درب المحبه ينقطع من ماطـر وهمـال = ومصير الحي يتلاقى مع مـن كـان حيينـي
وفمان الله ودعتك بصمت ولا ابيـه اجـدال = مادام ان الغرام الجـرح والفرقـا سكاكينـي
للشاعر ناصر بن دهيم
أختكم
ريــــــــــــــانه العـــــــــــود 
27-09-2007, 08:53 PM
اناديها تلبي لـي عسانـي معدمـه لا قـال ... فدية عيونك ان كانك بدون النـاس مغنينـي
..
العرض المتطور
