أشعار رومنسيه

[العيون الشقيه]

من شعر الامير بدر بن عبدالمحسن

--------------------------------------------------------------------------------

:16 (11):

السلام عليكم ورحمة الله وبركاته ...

حبيت أكتب لكم بعض من أشعار الامير : بدر بن عبد المحسن

واتمنى أختياري يعجبكم

____________________

الله يرد خطاك قصيدة
:16 (6):
الله يرد خطاك لدروب خلانك ..
لعيون ما تنساك لو طال هجرانك ..
دام الأمل موجود فالنفس خضاعه ..
حق العيون السود السمع والطاعه

الله يردك لي .. يا مطول غيابه ..
يا معذبي هجري .. مدري وش أسبابه ..
دام الأمل موجود .. فالنفس خضاعه ..
حق العيون السود السمع و الطاعه ..

ياللي بعدك اليوم .. نبكي على باكر ..
صبري عليك يدوم .. مادمت أنا فاكر ..
إن الأمل موجود .. فالنفس خضاعه ..
حق العيون السود السمع و الطاعه ..

_______________________


كافي عتاب قصيدة :16 (6):

البارحة والقلوب أصحاب كنت القمر وأنت تمدحني
واليوم .. لي مخلبين وناب ومشا هد الدم يفرحني
كذاب هذا المدح كذاب وكذّاب ذنمٍ يجرحني
إنسان..ماني نجم وشهاب وليتك ملاكٍ وتصلحني
لي صرت عاري..علي ثياب بالله وشلون تفضحني
اخطيت واخطيت كافي عتاب إنطق بحكمي وريحني
ياصاحبي ماقطعت أرقاب عدلٍ قصاصي وتذبحني
ولاني بعد أجمل الأصحاب الأجمل إنك تسامحني

______________________________


ياهلا بك قصيدة :16 (6):

يا هلا بك ولا تطري الوداع عش معي لحظة الفرحة حبيبي
عمرنا اليوم والباقي ضياع
تصبح الأرض في قربك وساع دام فرحة عيونك من نصيبي
ونبتت ضاقت الأرض الوساع
آه لولاك يا دافي الشعاع كان مرتاح بالي وش تبي بي
تشغل البال يا دافي الشعاع
أحسب إني على الفرقا شجاع بطوي الجرح أو بخفي نحيبي
وأثر ما في الهوى مغرم شجاع
يا هلا بك عدد عمري اللي ضاع او عدد ماتمنيت حبيبي
ليت الأيام ما فيها وداع
____________________________

بحر العيون قصيدة :16 (6):

تقول اللي طرف عينك أنا مدري هدب أو عود
أحس اني من اللي صابها ماشوف قدامي
ضحكت .. وقلت لاتخافي على بحر العيون السود
على شط الكحل مريت .. وهذا موضع أقدامي
أدوّر عن ذهب عمري .. أدور كنزي المفقود
وأشوف الموج يطوي الموج ويبحر مركب أحلامي
عيوني بسمة اعيونك ولو صارت مطر ورعود
أبا اشرب من ظما دمعك وابااغسل جرحي الدامي
عطيني عيونك الليلة .. وباكر ياعساه صدود
أمانه لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم .. وهم الدنيا قدامي

____________________________

اقول أحبك قصيدة :16 (6):

قالوا حروفي عمي وعيونك بروق
مافي قصيدي جنح ليلٍ وبارق
قلت الذي له داخل ضلوعي حروق
أقرب من اللي في سما الناس شارق
غيري يشوفك وأجود الشعر مطروق
وأنا أحسّك وأصدق الحب فارق
ياللي عيونك دم وعيونك عروق
ولهاث قلبٍ في نواعسك غارق
أقول أحبك يخرج البحر صندوق
تبرالغزاة وكنز سود البيارق
وأقول أحبك صدرالايام مشقوق
عن وجه غرناطه وعن مهر طارق
وأقول أحبك والله إني من الشوق
ألقا طيوفك في جميع المفارق
كتبت لك قلبٍ من القلب مسروق
ولا طاب لي وصفٍ من الوصف سارق

_____________________

وسلامتكم

[جطلي بن فهد]

الله لايهينك اخوي على النقل

قصائد رائعه ولايجيبها الا انت صح لسانك ولسانه

تقبل سلاااااااااااااااااامي

[عيد بن شدقان]

العيون الشقيه


لاهنت

والله يعطيك الف عافيه

[الاحرش]

لاهنت على النقل الرئع

وصح لسان الشاعر

[فيصل ال رشيد]

تسلم الله يعطيك العاقيه

[العيون الشقيه]

سماوي _عيد _ الأحرش_القرم _مشكورين والله لايهينكم واتمنى انها اعجبتكم....