إليكم هذه القصيده الرائعه بكلماتها
من الشاعر الرائع والكبير بشعره سالم سيار
وأتمنى أن تحوز على رضاكم
إذا هالقلب ما ينبض معاليقه على الميعاد=أنا وشلون روحي في دروب المجد أصعدها ؟؟
مشيت ولا معاي إلا جروحن بالدروب إجداد=ومعايا شيمتن ترقى على ضلوعي تهودها
صحيح الروح مكسوره ... ولا تقوى تشيل شداد=ولا فكرت أحط روحي على روحن تسندها
رقيت جروح .. وخليت الصبر فوق الجروح ضماد=أنا لا قلت أضمدها ... أنا أعرف كيف أضمدها
تثور الخيل من قلبي ... وأقول إن الهقواي جياد=وأشوف القلب من دم الجدود يفور يلكدها
يا أما (موت) من سيف الشعر يحييني للميلاد!!=يا أما النفس في صمت الشعور تموت وأغمدها
أنا البارح ...يناديني النعاس ولا يجيني رقاد=سهرت أنوم القمرا .. على عيوني وأقعدها
من بلادن قلايدها النجم في جيدها وقاد=وعرفت إن السما تبلس من بلادي قلايدها
وضوى هذا السهر يمشي على هذا الجفن بركاد=يموجني الغلا ويطيح من جفني على يدها
وأشوف الليل يترامى تحت عمري ويصير رماد=وأشوف الضو يغتال الظلام اللي يسودها
هي الفضه من اللولو على هذا الفضا تزداد ؟؟=أ من هذي الرمال إللي ولدتها من زبرجدها ؟؟
وكاد إنها ضوت عمر القصيد ورحلة القصاد=وأجيب أقمار من دمي ... على فمي وتقصدها
وأصب النبض في قلب البلاد وينبض الإنشاد=ويطيب القلب ويتنفس شعوري من قصايدها
يوديني غلاها وجيت من أقصى الغلا وراد=عليها وجيت أخذها ... علي وجيت أوردها
أحبك .. أحبك ياعطر عمري وطلعت عمري بالأعياد=أنا همت أكسر ضلوعي في عيدك جيت موقدها
وأقول العيد فيك بخير ... لأنك خير كل بلاد=وأجيب أيام خير سنين .. عيدي وفيك أعايدها
لأنك دنيت الدنيا ومنك ترتوي الأوراد=لأنك أرض كل الأرض ولا غيرك يوردها
وحتى الغيمه من تلمح يدينك تحضن الرعاد=تبي تنزل عليك من الوله ترمي تنهدها
ألااا يادار يابنت الهقاوي وهقوت الأجداد=ألاااا يابنت من روحه فدى عيونك يبددها
عفيفه .. عفيفه لا قعد وجه الفجر من خشية العباد=يطيح الليل لا إرتفعت بذكر الله مساجدها
هي الرفعه من شموخ السجود وجبهت السجاد=(أبوها لو يسجدها لوجه الله !! سجدها)
يرتبها الفجر في فوضت طيوره ويبكي بعاد=ويتنهد على شمسن تجي من أصبع تشهدها
وتفوح الشمس إذا قلب المدارس يحضن الأولاد=وبنتن ترمي تلويحة وداع بعين والدها
صباح الشمس يا أرض العزاوي وعزوة الأسياد=صباح الأرض يانور الصلاه بروح ساجدها
يهيلها الكرم من صدر أهلها طيبين أجواد=يشبون (الهلا) للي يمر الطيب يوقدها
تشوف العز بعيون النشاما يلتفت هداد=شلع لا رفرفت كلمة (كفووو) يطلع ويضهدها
ألاااا يادار يابنت الهقاوي وهقوة الأجداد=ألاااا يابنت من روحه فدى عيونك يبددها
(عزيزه) (حره) ماترضى تلامس يدها الأصفاد=تحط الموت في روح الكفوف إللي تقيدها
(عنيده) لا إركبت راس الحرايق تلتهب بعناد=تمر مثل الحرايق في هشيم الحرب ترمدها
(أصيله) أمضمره بالمجد ... تقود المجد ماتنقاد=تمر مثل الوميض ولا قدرت عيني تجودها
مثل ... مثل ما مرت وشبت عيوني بداخل الميعاد=أنا قلت أشعل ضلوعي .. من عيوني وأعايدها
تقبلوا فائق إحترامي وتقديري للجميع
29-07-2007, 04:31 AM
الـــزبــرجــد للشاعر سالم سيار
العرض المتطور
