تفضل ياريح الشمــــــــــــــــــــــــــال !!

[الفايز]

السلام عليكم ورحمة الله وبركاته

بدايه مع صاحبي وعزيزي ريح الشمال

وبانتظاره !!!

حلوا القصايد تنكتب في المشاكيل =أهل المراجل والفعول الجزيله

ياصاحبي ترا الليالي مقابيل =والخير بوجيه النشاما دليله

خلنا نتحاور والدعاوي تساهيل =ياهديب شيال الحمول الثقيله

نبغي مع ريح الشمالي تعاليل =عله يجينا من ديارك مخيله

[ريح الشمال]

مرحبا ملايين

يامرحبابك عد وبل الهماليل =وعداد ما يجري مع الريع سيله
خطك لفا في النت من غير تفصيل =فصل كتابك والليالي طويله
من دارنا في الجوف وعيني لك تخيل =مايهتني في النوم ضد وعميله
(نجاد) يرسم والعرب نومها حيل=والحرب واصل بين يومن وليله

[الفايز]

ياشيخنا بتجيك علوم الأيراني = حنا هل التوحيد لو قيل ماقيل
نسحب عليه قوات جيش امريكاني= ويجيك علمه يرفع الصوت ياليل
ماينفعه اهوازي ولا اصفهاني= ونكيل له بالصاع كيل بعد كيل

[ريح الشمال]

هرجك شبيه بهرجة (علي اليماني)=يومه ينادي يبغا يحارب اسرائيل
من اول طلقه تبا تنصا نجراني =هذا الصحيح وخل عنك التهاويل
عسى الولي يكفيكم شر الايراني =والوضع مايبغي تفكير وتحاليل
شوري عليك تصلي لربك ثماني=والخاتمه ركعه وقنوت وتهاليل

[ريح الشمال]

يامشلش علام الشيخ منا يتصدد=ولا عليه من البلا قوم عادي
مدري مواترنا ماعاد اهي جدد=ولا يبيله موترن جيره عادي
الكسب طبعه والغنايم تعدد =والقسم لاوصلو ديارن بعادي
وان شفته جانا ياولد لا تردد =اربط الطاره بسلاسل جدادي

[فخامة الرئيس]

الفايز وريح الشمال

سلسلة شعريه فكاهيه جميله أتمنى أن تدوم وأنا من المتابعين

لكم تحياتي ولا تتوقفوا

[الفايز]

فخامة الرئيس

أسعدني مرورك الكريم

وتقبل تحياتي

أنا أحمد الله أني عجمي ومردد=يومن غيري منسب لكل غادي
ماخالطونا من هل الشط مبدد=فنجالنا ما يشربه كل بادي
ان قاله الله وجيت يمك بحدد =لكم قوانين الهجره والبوادي
اللي دخيل بعرفكم له بمدد=وبطرد كل منهو ختومه جدادي
لاتحسبني برحم من لي يتودد =ياويلكم لوها من امري ومرادي

[الفايز]

يازين شرب الشاي في ديرة الزين =مدري وش قوم الشيخ مقيض بدياره
حنا على العهد نبغي نرد الدين =وأنتم بلاكم لا قدحتوا الزقاره
عجل علي ياشيخ خلنا نروح الحين =قبل العرب تحس بصالي الحراره

[عقاب اليامي]

متااااااااااااااااااااااااااااااااااااااااابع

وبيض الله وجيهكم والله لايهينكم ياشعارنا



اسمحو لي مروري

[ريح الشمال]

الأخ فخامة الرئيس والأخ عقاب اليامي

ياهلا وغلا

يشرفني ويشرف صاحبي مروركم الكريم

ونتمنى لكم متابعه طيبه ، وكذلك نتمنى أن تحوز مداعباتنا على رضاكم ورضى الأخوه الأعضاء

يالعجمي كانه ضايمك شوفة الزين =الزين عندك في ديارك قراره
انشد عن اللي بيتهم عندكم بين =ذيك البيوت وفالعلياء ياجاره
خله يمر وعاينه لا مشى بزين =منه وجع قلبي ومنه دماره