عسى القصيده تعجبكم والقصيده للشاعر /فيصل بن طواله
لاتلمس الجرح خل الجرح وأسبابه
الله يخليك مافيني مكفيني
القوم تدري عزيز القوم وش صابه
وأن عودتلي أنا أدرى بما فيني
مجروح وجروح بعض الناس تتشابه
وان كنت ضامي مصير الوقت يرويني
صحيح ليل الهوى مايستر أحبابه
هاجوس ذيب السهر للصبح يغريني
زيف المشاعر وأهلها ناس كذابه
والصادق يحط عينه بس في عيني
حتى حبيبي زمان الحب ماجابه
كان آخر أنسان متصور يخليني
كنت أجمع أشعار غيري وأتغنابه
وأقول هذا قصيدي لجل يغليني
ويومي عسفت المعاني شعر لحسابه
أروع قصيده لغيري صعب ترضيني
أول ليا غاب يجرح قلبي أغيابه
وأضيق وأزعل على كل من يحاكيني
واليوم كل شي يجيني منه أنا أرضابه
ألا انه يسوق عذر البعد ويجيني
يكفيني انه تركلي شي أشقابه
دفتر قصيد وقلم مسجون بيديني
حاولت أنا أحيى بغلاه وكل ما احيابه
ملامح وجيه خلق الله تعزيني
لو حظ غيري خذاه فلا تهنابه
لاشك هو شرهةٍ شحت بها سنيني
وانا حجاج تعلا من على اهدابه
في كل الاحوال مايقد يوطيني
وعمرٍ مضى لي معه ياعل يغدابه
عسى العوض عنه يأيامٍ بقت فيني
وسلامتكم.......
02-05-2004, 04:03 PM
كنت أجمع اشعار غيري واتغنابه///وأقول هذا قصيدي لجل يغليني
العرض المتطور
