ناح الحمام

[ابوحمد الشامري]

هذه القصيدة وهي لشاعر الكبير محسن الهزاني تحقيقا لطلب الاخ العزيز ابو الوليد ويشكر الاخ العزيز كول الذي ارسلها لي فله كل الشكر والتقدير.

ناح الحمام وقلت لا حول مكنون === صبر واهل الدمع ساعة له أوحيت

حج الحجيج وكلهم له يلبون === وانا بدار امورد الخد لبيت

فإلى جو بأركان البيت يطوفون === والتجوا الحجاج بموادع البيت

وادعت من دارة احجاجه كما النون === وابكى وبطراف الجدايل تلويت

فإلى جو الكعبة بنصح يحبون === لا نجال وارد ضافى القرن حبيت

فان كآنهم من كل مالاح يشرون === بايعت له باقصى الضماير وشاريت

ذا شارب خمر وهاذاك غليون === فنا لريق امبيسم الترف مزيت

فإلى خذوا يشرون مما يبيعون === أخذت غرضان الربيعى وشاريت

احرمت يوم الفوز ألبى لمزيون === صافى البياض وغفر ما كان زليت

حدرت بطح النوم والقلب مشطون === وذكرت انا باعلا المداين وحنيت

ياعاذلينى لا تتموا تعذلون === في حب مجمول إلسدة توليت

فان جا وحسادى بهرج يقولون === ما اسمعهم إلا ان يسمع النايح الميت

قبلى عرار قالوا الناس مجنون === مع ذا وظن انى بطرياه أوحيت

اسهر إلى أوحيت النواما يفخرون === واقول ليت ابلذة النوم ياليت

اسهر طوال الليل واهلى يحسبون === أنى إلى ما طبق الجفن غطيت

بالغد لا اتلوهم ولا هم بيدرون === من شى باقصى لو تزريت

إلى جو للمسجد بليل يصلون === فانا لمجمول الحلايا توليت

قامت تواعدنى بشهر يصومون === ساعة يصلون التراويح فانت ايت

امس نطحنى عقب هجران واشجون === واخضر عودى يوم للعذب وافيت

وقبلت مطواح على الغرو واقرون === حلفت ماخليه انا يوم شديت

وان كان عمال البرايا يشحون === فانا الذى ما مرة عنك شحيت

فإن كان في الغد المقابيس يوضون === فانت الذى نورك يقدس هل البيت

أحيان ماجروا وقاموا يمسون === معصوم يد قال وصباك ياشيت

انت في بعض الاطفال مفتون === من به ابليت امن الملا ؟ قلت بقويت

غرو بريمة طول فترين أو دون === والخد قنديل يوقد من الزيت

ما اسمع ولا ابصر من هوا اللى تعرفون === لو رفعو لى روس الارماح ما اوحيت

أصبحت باد للملا فيه مفطون === وأبديت سد ما بعد قبله افضيت



لانجال = العيون النجل ,,,,, غرضان = أثاث كما يقال ( غرض حمدان )

المزيون = الجميل ,,,,, زليت = أخطيت ,,,,, حدرت = نزلت ,,,,, السدة = السرة

توليت = أحطت على سرة ,,,,, الهرج = الحكي ,,,,, عرار = عرار بن شهوان الضغيم

يفخون = يغطون في النوم ,,,,, تزريت = تلأزر , البهذلة ,,,,, إيت = تعال

اقرون = الجدائل ,,,,, شديت = مسكت جدائلها

تحياتي للجميع

[سلطان بن جفن]

ابو حمد صح السانك وماقصرت
قصيده جزله ومن شاعر جزل

[حمد]

صح لسانك يابو حمد
على القصيده




تحياتي

حمد

[أبو الوليد]

احرمت يوم الفوز ألبى لمزيون === صافى البياض وغفر ما كان زليت

تسلم يمينك يابوحمد انت والاخ كوووووووووول

ومحسن مثل ما له قصائد ماجنه ايضا له قصائد اعلن توبته فيها

وعرار هو بن شهوان الضيغمي ابن عم عمير بن راشد وقصتهم مشهوره

ومشكور أخوي بوحمد على تجاوبك معنا وسعة صدرك

أخوك أبو الوليد

[cool]

السلااام عليكم ورحمة الله وبركاااته

صح لساااانك ابو حمد الشااامري وتسلم على القصيده وابو الوليد يستاااهل .

وتستاااهل والله كل خير الغاالي .

الله يعطيك العاافيه ولا هنت

كـووول

[ابوحمد الشامري]

مرحبا ألفين بالاخ العزيز سلطان بن جفن واسعدني مرورك

تحياتي

[ابوحمد الشامري]

مرحبا الفين بالاخ العزيز حمد ولا هنت يا السنافي على مرورك

تحياتي

[ابوحمد الشامري]

مرحبا مليون بالاخ العزيز ابو الوليد وانت تستاهل أكثر من كذا يا القرم .

تحياتي

[ابوحمد الشامري]

مرحبا مليون من سور الصين الى جدار برلين بالاخ العزيز كول وابو الوليد

يستاهل كل خير.

لاهنت يا السنافي تحياتي

[الرازي]

ابو حمد


لاهنت على ذا القصيدة الجزله


تحياااتي
الراااازي