هذي قصيدة أعجبتني لشاعر أحمد الصانع :
(القضيـــــــــــــه )
مغفره وذنوب , والساعه بلا تُوبَه تدور
السنه صَارتْ سَريعه حِيلْ ,وأحْسِبْهَا شهر
عِذتْ أنا مِنْ شَرْ خَنَّاسٍ يوَسْوِسْ بالصدور
وما بكيت إلا لوجه الله في ليلة قــــــــدر
تِختصر مَعنى حياتِكْ كيف تَبني لِكْ قصور!
أحْتِرم رايك وهذي تُعتبَر وجهَــة نظــــر
زين طيِّب .. دام تِدري إنَّ لِكْ رَبٌ غفور
ليه ما صَلِّيتْ لَجله وما رفعت إيدك شكر!؟
حَدِّث العاقِلْ بمَا يُعْقَل ..وفي قلبٍ جَسُور
وإنْ خطيت بحق غيرك روح قدِّم له عــــــذر
رافِقْ الشخص المِثالي اللَّي لو تخطي / يثور
وإن سِمَعت إسْمَعْ مِنْ اللِّي تِلقى في صَمته دُرر
وقبل تِسأل عَنْ حياتي وكِيف وجهي شَع نور
خــــلْ كلامي لِكْ وصيَّه وخلْ بعد عِندكْ خبــــــر...
ما نالْ في الدنيا أحَدْ يا سَائلي غير (الصبور)
والدليل إنِّـــي صِبرتْ .. وكانت أيامي تمـــــر...
لا تقول: الحَلْ إنِّكْ تِلقَى لِكْ,عاشِقْ غيور
إنْ حَبِّتِكْ عِينه ترى .. ما حَبِّتِكْ عِين الدهــر
مِثلِكْ أوَّلْ كان حَالي وضِيقتي ونفس الشعور
كِنت أقول: شمعنى قلبي في مشاريعَه خســر
ما دريت إنَّ الغِيابْ أحيَان أفضَلْ .. مِنْ حضور
لِين شِفت " الشمس " تشرق بعد ما يغيب (القمر)
وما دريت إنَّ التواضع كنز / ومَكرُوه الغرور
لِين شِفت إنَّ الغِنى .. في الآخِرَه مِثل الفقــــــــر !!
كِنتْ غـافِلْ في حياتي وكِنتْ أجْهَلْهَا الأمور
لِينْ ربِّي له هدَاني .. وصِرتْ أدَوِّر لِي أجــــــــــر
لا تقول: أعيش يُومي دامي في عُمر الزهور
منت ضامِنْ عُمــــركْ الباقي .. وقَطَّافْ الــــزهَر
قبل لا تبدي الخطِيئه وتبْنِي لِذنوبك جسور
خافْ مِنْ ربِّكْ وفكِّـر في وعَد يُوم الحشـــــر
مَهْمَا كِنت إنسَان " راقي " وتعشِق أنواع البخور
التـــراب اللَّي يضمك بعد مُوتك والقبــــــر ....
ياما قالوا الناس : خايف وقلت : ما فيني قصور
بَسْ شِفتْ إنَّ الشَّجَــــــــاعَه مَعنى ثاني للخطر
إيهـ خافْ وكُونْ سَالِم دام هالدنيا بحور
والبحر مَهْمَا وفالِكْ طبعَه ( غدار ) البحـــــــر
وللشجر إن شفت هامه هذا مِنْ طِيب الجذور
يعني أعمالِكْ جــــــذورك هذي هي .. بالمختصر
القضيه: ما هِي شخصٍ خالفه شِرطي المرور
البشر في الدنيـــــــا هذي صَار , ياكِلْهَا بشــــــــــر !
تحياتـــــــــي ..
Q8eya_21n84
27-07-2006, 02:33 PM
العرض المتطور
