يقولون العرب :- صدر الشمالي ما يضيق بسـاع = وأنا أقول الصدور اليوم ما عادت شماليــه

[الخويطري]

يقولون العرب :- صدر الشمالي ما يضيق بسـاع = وأنا أقول الصدور اليوم ما عادت شماليــه

بدت في داخلي ضيقة عجست القى لها مطلاع = تغيب وترجع وترجع تغيب ومالها نيـــه

عمتني كلمة ً جتني وضقت وضاق صدر القاع = الا يالله لا تجزاء غشيمً قالها فيه

لهو صفاع يا ربي ولا هو للعرب نفــاع = بلاني وأبتلى حاله وبعض الناس مبليه

نهيته قبل هالمره يخلي سيرتي ماطاع = الا يا لعنبو جد القصيد ولعنبو بيه

ضعيف النفس نسونجي يشوفه بعينه الاطبــاع = يحسبني مثل ربعه يسوق بضاعتة ليه

أنا أشري لا بغيت أشري ماني مساوم البياع = إلا من قالي ميه عطيته فوقها ميه

أنا أكتب لأجل من يقرأ ولا أرجي من يقول ابداع = وابد لا تحسب ان مثلك يشكل لي أهميه

تري يا هيــه لامني نويتك أطق بصباع = يجيني ألف شيـــطــان وراهم الف جنيـــه

أجرك من طرف حرفك ورد الصاع ميه صاع= جنون القاف أرقصها على رأسك هجائيه

ياويلك لو توليتك وربي مالك الشفـــاع = يجيك من القصيد أحسب ثلاث ميه ثلاث ميـــه

لكن خلك بحالك مدام ان الصدور وســاع = ترا للحين ماضاقت ولسعها شمــاليـــه

للشاعر الرائع / خلف المشـــعـــان

تحياتي

الخويطري

[ابوتركى]

تسلم الخويطرى

والله انى احسب القصيده قبل لعبد الكريم الجبارى الشمرى

مشكور الخويطرى والله لايهينك

تحياتى

[تركي]

السلام عليكم ورحمة الله وبركاته,,,

ياسلام الله عليك وصح السان الشاعر وتسلم يمينك اخوي الخويطري

إلا صحيح وش ذا الغيبه ياخوي الخويطري


لك تحياتي

[المستشار]

قصيدة تحفة ورائعة
تري يا هيه لامني نويتك أطق بصباع
يجيني ألف شيطان وراهم الف جنيه


تسلم الخويطري على هذه القصيدة وصح لسانك ولسان من قالها.

مع تحياتي

المستشار

[cool]

السلاااام عليكم ورحمة الله وبركاااته

صح لسااااانك الخووويطري وصح لسااان الشاااعر المبدع خلف المشعاااان

وتسلم على اختيااارك للقصيده الراائعه وهي احد قصاائد الجميله .

الله يعطيك العاافيه الغاالي ولا هنت .

من القلب لك

كـووول

[ابن مكتوم]

الخويطري لاهنت على النقل وصح لسان الشاعر
خلف بن مشعان




بن مكتوووووووم

[اطياف الماضي]

صدر الشمالي ما يضيق بسـاع = وأنا أقول الصدور اليوم ما عادت شماليــه

الخويطررررررررري

بصراحة وفقت في النقل قصيدة راااااااااائعة تسلم يمينك ويمين شاعرها

تحياتي لك ,,

[راكان الظفيري]

شكرا يالخويطري على نقل هالقصيدة الاكثر من رائعه

يقولون العرب صدر الشمالي مايضيق بساع
.................................................. ...وانا اقول الصدور اليوم ماعادت شماليه



ياسلالالالالالالالالالالالالالالالالالالالالالالال الالالالالام

قمة الروعة

معروف عن اهل الشمال عامة انهم اهل بال وسيع وفيهم طيبة وكرم لاحدود له ... ولكن هذا الصدر الوسيع والبال المنساح هو مع من صادقهم اما مع العدو فهم نار وشرار وبين وعمى عين


حتى ان الامثال في وقتنا الحالي لاشفت لك واحدن حقنة وممتحنك يبيك تخلص له حاجة او انه يتنرفز على ادني سبب يقولون له الناس : يابن الحلال خلك شمالي ...


وسلامتكم

[هند]

تسلم إيدك أخوي الخويطرى
وصح لسان الشاعر اللى أبدعها
كلمات رائعة وقوية ،
إختيار موفق لأبعد الحدود



لك تقديري
السؤدد

[الخويطري]

حياك الله يا ابوتركي وولانت

ويامرحبا بك وبردك وتعقيبك , سرني وجودك

تقبل تحياتي

الخويطري