لا يمشي عليه يحسبنه بصير ^^^ مادري اني داعس كل هرجه بقدمي×× اقلط ياعزاااااام

[محمد المحلكم]

مساء الخير


اقلط ياعزم لا هنت

ياسلامى عند ربع (ن) كم السيف الشطير=ازهمو عزام قول المحلكم يزهمي
لا يمشي عليه يحسبنه بصير = مادري اني داعس كل هرجه بقدمي

[عـزام]

استلم..

حاضرٍ عزام يالله عسى فالامر خير=دون تزهم ماقفى محتمى له محتمى

يا المحلكم هات علمك وهاته من الاخير=وكل منطوقٍ وله رد من راس قلمى

[أبوجرّاح]

0

ياسلامى عند ربع (ن) كم السيف الشطير=ازهمو عزام قـول المحلكـم يزهمـي
لا يمشـي عليـه يحسبـنـه بصـيـر=مادري اني داعس كل هرجـه بقدمـي

يا سلاااااااااااام .. ويا ساتر أستر

حاضرٍ عزام يالله عسى فالامـر خيـر=دون تزهم ماقفى محتمى لـه محتمـى
يا المحلكم هات علمك وهاته من الاخير=وكل منطوقٍ وله رد مـن راس قلمـى

ويش أقول؟؟ ، صح إلسانك .. دبل x دبل

===============

واصلوا .. وسجلوني متابع مُتعصب للجزلين

0

[محمد المحلكم]

استلم

الصغير الي يلد النظر صوب الكبير =ماستحى منه وعاده يسب ويشتمي
الخطاء والريع يلحق مكتبة جرير= يوم خلة كل من هب يكتب يرسمي

ملاحظه: غلطه مطبعيه

لا يمشـي علي يحسبـنـه بي بصـيـر&&& مادري اني داعس كـل هرجـه بقدمـي

[محمد المحلكم]

ابو جراح لاهنت على المتابعه

[عـزام]

استلم يا المحلكم..

سوق قاسم يجمع المغتنى به والفقير=ومن بغى يشرى ويبتاع غيضه يكتمى

والنظام يخالف اللى يسير بعكس سير=ومن مشى قدام حقه علينا يلزمى

[عبدالله الحويله]

صحت السنتكم
يا شعار

العيب فيني ولا فالمنتدى


انا ماشوووف شي

[محمد المحلكم]

لازم المسؤل في السوق يعرف مايصير=لا يسامح سارق ولا يسامح مجرمي
من جعل له سور للقصر ثم حطه قصير=لانظر في القصر بعدين لازم يندمي

[عـزام]

ابو جراح + بن حويله

حياكم الله ولاهنتوا على المتابعه وصحت ابدانكم

[عـزام]

استلم لاهنت..

كان يا محمد غدالك مع السارق بعير=قدم الجانى ونحكم عليه الجلغمى

كانها بالميد معروف تقرير المصير=ما بها مجنى وجانى وسارق يتهمى