هذه القصيده لــ وكيل الجزاله ..سالم ابن جخير
اهدا للشيخ سلطان بن سلمان ابن حثلين ..والى ارجال هشام كلهم
هي من القديم ولكن من حبي للمادح والممدوح وللتواصل معكم وضعتها هنا
على الله بدينا واتكلنا خضوع ودين = وكلن رفع يمناه وأشر بسبابه
على الله رجانا دايم ًفي العسر واللين = ولا خاب طلابه ولا خاب طلابه
وانا مؤمن بالله واخافه ليوم الدين = ومثلي على درب السّـــــنع يشعب اركابه
اعرف الحرار ولا علي من غراب البين = وراع الوفا عِرفه على راسي اعصابه
يقولون علم الغيث والطيبين يبين = كلامٍ موثق والعرب تحسب احسابه
على راعي الوقفات سلطان ابن حثلين = سلامي سلامٍ سلـّم المجد يرقابه
سلامٍ سليمٍ مسلمٍ بين قلب وعين = من القلب ينطق به لساني ويبدابه
ترى المدح لاهل المدح مافيه شور اثنين =والى شفت فعل السيف تدري من انصابه
ابيك العريب ابن العريب اعرب الجدين = له النعم غصب وطيب لاعدوا انسابه
عريبٍ صعيبٍ فالمهمات واحمر عين = لياكبرت القاله وكلن تعزوابه
ليا قلت ياسلمان كل العرب دارين = له البيض ترفع في حضوره وفغيابه
ياغالين لو ماقلت تدرون ياغالين = وتراكم تعرفون الغلا وشهو اسبابه
ياعجمان ياكسابة النعم ياوافين = لامن شيّدوا بيت الكرم فانتوا اطنابه
لكم هيبةٍ من عصر راكان لاهلحين = نماري بها من عصر راكان واصحابه
على عصر سل السيف والرمح والسكين = الين اصبحت ذالحين مدفع ودبابه
اقوله وانا من لابتن فاللقا صلفين = هل الموقف اللي كل قومٍ تحاكابه
اهل مرحبا بالموت والموت وينه وين = صبينا على صوت الزهم يفقد اعصابه
الا صيحوا فهشام ماعندنا بعدين = رجالٍ على ماقيل للروح جلابه
نشكل معاكم في وجيه العدى صفـّين = ذيابه والا منـّا فزعنا مع اذيابه
بني عمكم لاعوّد العلم بين وبين = نهد الحرار وكل حرٍ ومخلابه
كلامٍ يعرفه قاصي الناس والادنين = وشيبانك ادرابه وشيباني ادرابه
بقى حاجةٍ وحده لسلطان ابن حثلين = ابااقولها له نطق بلسان وكتابه
كتبت المفيد ومابقالي سوى بيتين = تهقويت فاللي سِعد منهو تهقوابه
عريبٍ صعيبٍ وافيٍ جامع الثنتين = شجاعٍ يحب الموت ومشرعٍ بابه
علي الحرام انك كما السيف ابو حدين = ورجلٍ سواتك لاحضر يعتبر لابه
سالم بن جخير
10-04-2006, 07:36 PM
العرض المتطور
