السلام عليكم ورحمة الله وبركاته ،،
الأخوة الكرام ،،،
قصيدة أتمنى أن تنال رضاكم وإستحسانكم ،،، وللاسف ماعرف شاعرها
يالله تعدّيهـا علـى خيـر وتصيـب=من حدّنـي أكتـب خمالـه وعيبه
يبغى الصّراحه مابها شـك او ريـب=باقولهـا والنـاس كــلٍ وطيـبـه
الحـر ماينـفـع بلـيّـا مخالـيـب=والعقـل للرجّـال زيـنـه وهيـبـه
والسّالفـه ماهـي بلحيـة مواجيـب=كـلٍ علـى طبعـه يجيبـه حليبـه
بعض المنابـت بالمراجـل عذاريـب=وبعض المنابـت للمراجـل خصيبـه
رجلٍ يبـي طاريـه عنـد الأشانيـب=ورجلٍ يبـي طاريـه عنـد الحبيبـه
ورجلٍ يـودّي بالسواليـف ويجيـب=ورجـلٍ سواليفـه لفعلـه تجيـبـه
ورجلٍ يغض الطّرف عن جارة صحيب=ورجلٍ عيونه فـي محـارم صحيبـه
ورجل يغيب ويفقدونه هـل الطيـب=ورجلٍ ليامن غـاب ماحـدٍ دري بـه
ورجلٍ تشوف بخوّته لـك مكاسيـب=ورجلٍ تشـوف بخوّتـه لـك غليبـه
ورجلٍ إذا أخطى يرى نفسه مصيـب=ورجـلٍ إذا إخطـى يراهـا مصيبـه
قلت الصّراحه مابها شـك أو ريـب=كـلٍ علـى طبعـه يجيبـه حليبـه
إشره وشرّه كـان تبغـى المواجيـب=عط حق تاخـذ حـق مابـه معيبـه
09-04-2006, 10:49 AM
يالله تعديها على خير وتصيب
الله يعطيك العافية
العرض المتطور
