هذه مجاراه ظريفه لقصيدة خالد الفيصل حصلت
بين الامير الشاعر سعود بن محمد شفاه الله وعافاه اللهم امين والاديب عبدالله الحقيل وامير آخر لا اذكر اسمه اعجبتي واحببت ان اقدمها لكم
قال الحقيل عن البدويات والبرقع:
ماهقيت ان البراقع يروعني=الين شفت سنون غزوا طالعاتي
لابس البرقع خياله تقل جني = البراقع ما تناسب للبناتي
شفتهن مبرقعات ورد عني = صار عندي عقدةٍ طيلة حياتي
خلهن بشعابهن يدوجني =لايدوجن بالثميري والصفاتي
لي سنين بالدروب يعارضني =من لواهيب السموم محشياتي
ناسبن خالد وأنا ماناسبني =ماذكر حور الجنان مبرقعاتي
لابس الشيله هو اللي ممتحني =هو سبب قل السعادة في حياتي
شيلةٍ تبدي عذاب يضحكني = يلهن الي في طريقة للصلاتي
والعيون عيون خشف يذبحني = وافيات الرمش حورٍ ساحراتي
كل ما اقبلت انتبه ما صد عني = يستمع لي والعيون مسلهماتي
لو لقيت مبرقعاتٍ يكشفني = كان قلت :ليتهن مبرقعات
الثميري والصفات=اسواق قديمه بالرياض
رد سعود بن محمد فازعا للبدويات والبراقع:
ياهبيل القلب وش حدك تغني=لاتعترض للخشوم النايفاتي
لابس البرقع هو الي فتني=له الجميع العذارا خادماتي
يقصر الهرج عنهن والتمني=كنهن فوق النجوم معلقاتي
الرخم والبوم ماقد برقعني=والحرار الغاليات مبرقعاتي
المها وسط المهامل يرتعني=والبقر بين الثميري والصفاتي
بعدو لباست الطرحات عني= كنهن عقب الرجيم مسللاتي
ثم خربها الشاعر الآخر قائلا ههههه:
يابنات الجيل فز(ن) للمغني =وانطحني يابنات مفرعاتي
ودك ان الي حكا في زينهني=ماتعرض للي ههن لابساتي
الوكاد انك اليا من شفتهني=ماتعرف الزين كود مفرعاتي
14-12-2005, 09:21 PM
العرض المتطور
