ياصاحبي بالليل زلّت وعودك = وغابت نجوم الليل وانا اتحراك
كان انت جافيني تذكر عهودك = وكان انت ناسيني فاانا ماقدر انساك
ان كان تبغي الشرع حضـّر شهودك = اما انفلج واروح ولاّ فلجناك
وان كان عيا الشرع يقبل ورودك = ياكبر حظي كان بانت خطاياك
أمرّ من عندك واجنـّب حدودك = من خوف بعض الناس بالحكي تشناك
ان جيت يمك تعترضلي جنودك = والقلب وده ياحبيبي بلاماك
سلك الحرير العام يمي يقودك = تسبق اظلالك ياريش العين بخطاك
واليوم حظي خالي ٍ من وجود = ونسيت عهدي يوم اناجيك باسماك
اعطف عليّ بفضل مدك وجودك = (وشفاي ياوضاح الانياب بشفاك)
العطف يالطف الحشا مايكودك = وانا الدريك اللي يبي منك حسناك
هو ليه تبدي لي مواري صدودك = كانك تغلّى بدل الصد برضاك
دنياي تضحك بالسعد في وجودك = ولاظنـّتي دنياي تضحك بلياك
يازين فوق الجسم صفت جعودك = مثل الذهب لو تنقضه كان غطاك
ياغصن يامياس يازين عودك = وياما عن اللاهب تظللت بفياك !!
(ياغصن من لينك قليل ٍ ركودك) = اقطف ثمرك وعارف ٍ وين مرقاك !
قطفت غضات الزهر من ورودك = وسمحت لي يامورّد الخد بحماك
شربت عذب ٍ كوثر ٍ من عدودك = واحييتني في شربة ٍ من ثناياك
متى تعـّود لي ليالي سعودك = وتعيد ذكرا الحب برضاك وهداك
لو ان قلبي طاعني مايعودك = ان كان شام وعفّ ولا ترجاك
لاشك قلبي صيب بسهوم سودك = واخلا كنينه واصبح القلب يبراك
حيّك عن المسيار يامن يذودك = الله يلعن حيّك اليوم ماغلاك
وسلامتكم
لشاعرها المغفور له بأذن الله / محمد السديري
23-11-2005, 01:36 AM
العرض المتطور
