مساء الخير والإحساس والطيبة
إخترت لكم قصيدة للشاعر عطالله فرحــان .... أرجوا أن تنال إعجابكم
أتعبني الحلم لين الواقع انكرني
-------- كني مسكت الفرج بيدي .. وهديتة !
مافية داعي على فرقاك تجبرني
-------- حتى الجفا منك ولعني وحبيتة
الجرح عدى زمانة .. لا تذكرني
-------- هذاك وقتِ تعذرتة وجــــــافيتة
لو شفت دمــع القصايد كــان تعذرني
------- تصور إن الشعر يضحك وبكيتة
مـــــا غيروني يـاكود الله يغيرني
-------- كــم واحدِ عنك يبعدني ورديتة
وفيت وادري وفاية .. ما يصغرني
-------- صوبت يم الهدف لــكني اخطيتة
من طار سرب الغلا والشوق طيرني
------- شف مــا على الأرض واحد مـا تعديتة
خني على صدرك الدافي وسيرني
-------- "بعض الولع " ياخذ الرجال عـــن بيتة
ابنشغل في عيونك ... لا تدورني
----------- ودي بشي أشوفة .. ما بعد جيتة
خليت قلبي معك والله يصبرني
--------- مبطي وانا أقول قلبي وين خليتة ؟!
نسيت أعلمك طيفك جا يسهرني
-------- بس ما شفتني وشلون ضميتة
اشتقت لك .. مـا بغيتك عــاد تشكرني
--------- تغيب والشوق مـا عمري تباطيتة
مــــاخذ على خاطري والبعد قاهرني
---------- مدري شسوي وأنا كــل شي سويتة
العام يـوم الوعد .. تسبق وتنطرني
---------- مستغرب شلون هالموعد تناسيتة ؟!
لاصــار هذي علومك راح تخسرني
---------- مـــــا عمــر حــد راح من كيفة وناديتة
عند الكرامة أبيعك وأنت خابرني
-------- والله وكيلك ترى كــــل شي مــــريتة
كــــانة هجر بالســلامـة .. روح وإهجرني
-------- أًخوي لا صــد عني مـــــــــا ترجيته
تقبلوا كـــــــــل التقدير
21-11-2005, 08:53 PM
العرض المتطور
