ايه افتخر لقالوا الناس عانس
افرح اذا ماجزت للخاطب ظلال
أضحك وانا اسمع سيرتي ف المجالس
واعرف عيون الناس ماترحم الحال
حالي مثل منهو على الباب حارس
يحفظ كنوز ماتقدر بالاموال
صعبه يجي انسان ماهو بفارس
ياخذ بنيه ينضرب فيها الامثال
ولايجي طايش وجاهل مدارس
اكبر طموحه خط بيجر وجوال
صدره من امراض الدخاخين تارس
زود على التنباك منحط الامال
النفس في خشمه ودايم يعامس
يقول انا لي شارب والبس عقال
خبرني كيف احيا مع انسان لاقس
وشلون اجاري لعبة انسان دجال
ايه افتخر لي قالوا الناس عانس
مادام ماهو من تقدم برجال
منقــول
هل يقدر احد يرد عليها ويريح قلبي
21-10-2005, 04:50 AM
العرض المتطور
