مولوده وعشت وبموت ... عجميه

[انفال]

لاخير بانسان رمى ثوب ماضيـه
وبالتاليه يسعى لطمـس الهويّّـه

للشمس نور يحسب إنّـه يغطيـه
ما يدري كفوفـه بنـوره خفيّـه

وأنا فدا الماضي ليا حـل طاريـه
أنسى الحياة المترفـه والشقيّـه

طبع البداوه عشقي وميّتـه فيـه
وكلي فخر لاقالـوا إنـي عجميه

إيه عجميه آخذ الخيـر وأعطيـه
وأبادل المعطـي جزيـل العطّيـه

إيه عجميه وأزرع الطيب وأجنيـه
الطيب زرعي ما زرعت الرديّـه

إيه عجميه لـو تزيـد المشاريـه
ببقى على عهـد البـداوه وفيّّـه

ماألاحق الموضه بسوق المسافيه
اللي لهن كل يوم روحـه وجيّـه

الله سترني ، ثوبهـم ذاك ماابيـه
لاصار تطريـزه بسلـك الخطيّـه

ماني من اللي أثبت العكس وأنفيه
وبيني وبين العيب حوض المنيّـه


رزينه وثقلي على الخـفّ أبديـه
دام الثقـل زينـه لعقـل البنيّـه

كرامتي نجم سطـع فـي لياليـه
ولاذلّني مخلوق ما دمـت حيّـه

لنفسي عليّه دين لاشـك أبوفيـه
ولا دفعت لمقتـل الخـوف ديّـه

وأقول للي جهـل الأيـام معميـه
مولوده ، وعشت ، وبموت عجميه

وسلامتكم
<<< غيرت كم كلمه فيه يعنى حقوق الطبع مومحفوظه

[كثيب]

صح لسانش يالعجميه

[سعد الصميل]

صح لسانش والكلمه اللي غيرتيها وحطيتي بدالها عجميه
اعتقد إنها كسرت الوزن بالقصيده
معليش هاردلك , بس شي طيب
الله يعطيش العافيه

[سند]

دلوعة العجمان

صح الله ألسانش ولاهنتي

وماقصرتي ياطيبــّه

تقبلي أطيب تحياتي,,,

[الراوي]

صح لسانش

[الباشا]

صح السانك والسان شاعرها
قصيدة رائعه واختيار رائع

[هند]

ماألاحق الموضه بسوق المسافيه =اللي لهن كل يوم روحـه وجيّـه
الله سترني ، ثوبهـم ذاك ماابيـه =لاصار تطريـزه بسلـك الخطيّـه
ماني من اللي أثبت العكس وأنفيه =وبيني وبين العيب حوض المنيّـه
رزينه وثقلي على الخـفّ أبديـه =دام الثقـل زينـه لعقـل البنيّـه
كرامتي نجم سطـع فـي لياليـه =ولاذلّني مخلوق ما دمـت حيّـه

دلوعة العجمان
يامرحبا بك
صح لسانك ولسان شاعر الأبيات
إختيار موفق

ننتظر المزيد يالغالية
السؤدد

[ذهب]

صح لســـــــــــانش دلووعه
ايه والله مولوده وعشت وبموت عجمـــــــيه<<عجبتني هاذي

[انفال]

صح بدنكم

شرفتوني بمروركم وطلتكم

يمكن كلمه العجميه كسرت الوزن لكن حلته اكثر

اشكركم مره ثانيه

اختكم الدلوعه

[مـحمـد]

صح لسانك ولسان قائلتها
اختيار موفق وزاد القصيده حلاها لك كل الشكر يادلوعة .