المـــــــــــــوت هيــــــــــن !!!!

[عزوف]

الموت هيِّن والبلا وش ورا الموت
عند الحساب .. يهون سهم المنايا

باكر نموت وتصبح قبورنا بيوت
وعقب القصور بضيقات الزوايا

فجوف الارض وكل من حولك سكوت
وتعاقبن بالقبر عـوج الحـنايا

يارب يا منجي نـبـيــك من الحـوت
سترك وعفوك يوم كشف الخفايا

باكر ليا جيـنـا على داعي الصوت
شيبان واطفال وشباب وصبايا

ندعي وحـنَّا بين باكي ومـبـهـوت
ورحنا لها ننقاد مثل السبايا

يا رب تهديني قبل لحـظه الـفـوت
وتـغـفـر ذنوبي يا كريم العــطايا

أشكيك همٍ داخل الصدر مكبوت
وأيّـَامي اللي بالخـطـايا مـلايا

إن لاذ بك من كان طايع و مبخوت
في من يلـوذ المرتكب للخطايا

يا رب يا قادر على كل طاغوت
لا ياقـف اللي وحّـدوا بك خـزايا

رحماك لا منّا صحينا من الموت
والـيـا وقـفــنـا عـنـد بابـك عـرايـا

[راكان اليامي]

لاهنتي على نقل القصيييييييده المعروفه

تحياااااااااتي لش

[cool]

السلاااام عليكم ورحمة الله وبركاااته

صح لسااانش عزووووف وصح لسااان شااااعرهاااا .

تسلمين على النقل والله يعطيش العااافيه .

الله يرحمنا ويثبتنا عند لقااائه ويغفر لنا .

كـووول

[admin]

يا رب تهديني قبـل لحظـه الفـوت=وتغفر ذنوبـي يـا كريـم العطايـا

قصيده تحكي عن واقع
والكثير منى يتجاهل

تسلمين علي نقلها أختي عزوف ويجزاك خير



تحياتي

[shadow-man]

تسلمين ياعزوف على هالقصيدة الرائعه



وفيه واحد يغنيها ودي إذا أحد يعرفه يقولي اسمه




وتسلمين ياعزوف على هالموضوعات المميزه

[اليامي]

مشكوره يا عزوف على

النقل الرائع

وصدق قائلها في كل بيت قاله

صحت يمينك

وصح الله لسان شاعرها

تحياتي

اليامي

[ال محفوظ العجمي]

الله الله الله الله

اجمــــــــــل من رائـــــــــعه ..من انســانه رائـــعه بعد..

تحياتي واشواقي ....حمتوووو

[عزوف]

اسعدني مروركــــــــــــــــم جميعا اعزائي

[اخو بدوه]

بصراحه انا خالف القصيده لان الموت مهوب بهين
لان طاري الموت بحد ذاته اقشر ولا احد يحب يسمعه
وطغي جو الحزن عند طاري الموت والشاعر يقول الموت هين لاكن البلا وش ورا الموت
انا اعارض كلام الشاعر وكل شخص له رايه

الف شكر لناقل القصيده مع التحيه والسلام

[الجـــــــــادل]

لاهنتي ويعطيش العافيه