لا ضاق صدرك وابتدى داخلك هم

[%الماسه%]

لا ضاق صدرك وابتدى داخلك هم
وشح الزمان وصرت بالحيل مرتاب
وصار الملل في داخلك كنه اليم
حتى عيونك للنظر صارت أغراب
ارفع يديك لكاشف الضر والغم
ما خاب من وجه له ايديه طلاب
الواحد اللي بالمخاليق يعلم
هوالذي لاضقت يفتح لك أبواب
لامن عطا من غير كيفٍ ولا كم
ما شحت ايدينه على مذنبٍ تاب
يغفر ذنوب العبد لوهي تردم
ويستر خفا ذنبٍ على صاحبه عاب
والنفس للإنسان تسقيه علقم
ومن لا نهى نفسه عن الشر ما صاب
كم واحدٍ باسباب نفسه تندّم
ما ينفعه دمعٍ على العين سكّاب
يا قاري الأبيات تكفى وقل تم
خالف هوى نفسك ترى قدامك حساب
من قبل لا ترحل لقبرٍ مظلّم
تبقى وحيدٍ ملتوي فوقك الداب
دابٍ إذا ضمك ضلوعك تحطم
ضمه ماهي ضمة قريبين وأصحاب
في ساعةٍ في هالقبر كله أعتم
شيٍ مخيف وكل من حولك أغراب
يالآدمي بادر على الخير واغنم
اغنم حياتك قبل تفريق الأحباب
ترى الحياة اللي بها موت وغم
وأجل بها لو طال محدود بكتاب
واللي خلق يا ناس بعروقنا دم
هذي حياة ما بها غير الأتعاب

ســـــــــــــــــــــــــــــــــلامتكم
تقبلوا تحياتي
الماسه

[●• Ŝђǿǿq •●]

أبيآت جميَله
تِسلًم يمينكـَ ..~

[الـعـابـر]

صح لسانش ولسان شاعرها

[عذبة الصفات]

صَــ√ــحِ لسانش ولاهنتي علـْْْ•̣̣̥·̩̩̩̥•̣̥ـْْْى الابيات الروعه
تسلم يمناش فديتش

[زبون المجنى]

صح لسانش علي القصيدة

[على دروب الغانمين]

ارفع يديك لكاشف الضر والغم
ما خاب من وجه له ايديه طلاب
الواحد اللي بالمخاليق يعلم
هوالذي لاضقت يفتح لك أبواب
لامن عطا من غير كيفٍ ولا كم
ما شحت ايدينه على مذنبٍ تاب
يغفر ذنوب العبد لوهي تردم
ويستر خفا ذنبٍ على صاحبه عاب

ياسلام صح لسانك ولسان الشاعر
وتسلمين على الاختيار الموفق والمميز والعذب

[%الماسه%]

صح بدنكم ,,دوووم المنوريني
(( شوق_ العابر_ علي دروب الغانمين _ عذبة الصفات _ زبون المجني))