هل انت اوانتي مؤيد لما فعل الزوج او الزوجه الرجاء عدم التعصب والرد بسرعه

[عجمي الوادي]

--------------------------------------------------------------------------------

بصراحه انه رجال






فيه وحده معزومه على زواج ويوم الزواج قامت الحرمه وتروشت وتنظفت وسرحت شعرها احلى تسريحه وسوت مكياج حلو ومرتب ولبست احلى فساتينها وتعطرت وتبخرت وبعد ماخلصت اتصلت في زوجها وقالت له اني خلصت
قالها زوجها دقايق واكون عندك شوي واثاري زوجها قدامها
الرجال يوم شافها اعجبته لانه المسكين مايحصله يشوفها مرتبه الا في المناسبات
المهم طلبها زوجها تترك الزواج وتجلس معه وقال لها ابغى اخليها احلى ليله وراح اعوضك عن الزواج قال لها اجلسي معي وننبسط ونسهر ونجيب عشاء من المطعم الزوجه وافقت

قال لها زوجها ابغى اروح اجيب العشاء علشان ما اطلع راح الرجال مستعجل وجاب العشاء ودخل بيته وش شاااااااااااااف قدامه

الحرمه فاصخه فستانها ولابسه قميص قطن من حقات البيت وغاسله المكياج وفاكه التسريحه وحاطه في شعرها زيت ورابطته

الرجال عصب وسالها ليش غيرتي ملابسك وليش سويتي في نفسك كذا
قالت الفستان ضايقني وانحشرت منه وغسلت المكياج ماله داعي وزيت شعري عقب الرغوه والاستشوار تصدق توي احس في الراحه يوم لبست هالقميص

قام الرجال يهاوش وقالها الزينه بس للناس وانا زوجك ما تهتمين لي
وقال والله ماتذوقين العشاء والحين تقومين قدامي للزواج وتدخلين عليهم كذا وانتي في شكلك هذا والا ما راح تجلسين الليله في البيت حاولت فيه الحرمه ماقدرت لانه حلف
وفي النهايه مالها حيله قامت ولبست عبايتها ودخلت في الزواج كانها شحاذه وتركها الين اخر الليل وكل الي في العرس شافوها هي اجلست في عبايتها ما فصخته


النهايه

[اطياف الماضي]

هههههههههههههههههههههههههههههههههههههههههههههههه بصراحة تستاهل

[تايه الغربه]

وين تستاهل يا اطياف
تروح كنها شحاذه هههههههههههههههههههه

احسن لها انها ما رتبت نفسها لذا العرس مره وحده
وبعدين يوم هي رتبت نفسها للعرس هي بتروح للحريم اللي زيها ماهي رايحه للجنس الآخر
على شان يسوي زوجها فيها كذا

المسكينه تبي تكشخ قدام بنات جنسها .. وزوجها ما عاد هي غربيه عليه على شان تكشخ
له كل شوي .. خاصة ان امور كشخات الحريم تبي لها وقت

وبعدين يكفي انها نظيفه ومهتمه في نظافة جسدها هذا اهم شئ
سوا انها لبست فستان او قميص البيت . ما تفرق هذي عند الزوج اللي يقدر

وصراحه
زوجتي ودي يشوفونها كل الحريم كاشخه ومرتبه ومزيونه بعد
لان دور الزوج مهم من هذي الناحيه فأذا كان الزوج مهتم في زوجته
ولا يبخل عليها في اي شى من متطلباتها الكثيره اللي ما راح اعددها
فبتأكيد ستكون الزوجه خير سفير لطبيعة تعامل الزوج معها
فمتى ما كانت مرتبه وتظهر غالبا بالمظهر الائق فهذا حتما يعكس ان الزوج
من الازواج الذين يقدرون الحياه الزوجيه ويهتمون في زوجاتهم

اما اذا كان العكس
فأنتم تعرفون ماذا يطلق على هذ الزوج !!!



تحياتي لك اخوي عجمي الوادي

[غنواوى]

الا زين اللى سوا فيها

وتستاهل اللى جاها >>> هى بس هالمره

وعقبها راح تدرى المره بالذنب اللى سوته وما عاد تعوده

تسلم على عجمى الوادى

[عجمي الوادي]

غنواوى

شاكرلك المرور الكريم