مرثية شاعر يام في الشيخ زايد

[راكان اليامي]

هذه قصيده لشاعر يام (ابن بلال) يقول فيها:

هات القلم والحبـر والبـوك هاتـه=الشيخ زايد مات والصـدر ضايـق
حــرام مابكـانـي إلا وفـاتــه=بكيـت مـن تبكيـه كـل الخلايـق
ياليتنـي لوفـي تـوالـي حيـاتـه=مودعـه لحـظـات وإلا دقـايـق
رحـل بلـيـا وقـفـة وإلتفـاتـه=وانتابنا حزنا علـى الصبـر فايـق
وكلن علـى زايـد يهـل اعبراتـه=وعليه شاعـر يـام للحـزن ذايـق
نعم وشعـر المـدح مـن واجباتـه=ومن الرثاء نظم من الشعـر لايـق
فقيدنا اللي فـي طـوارف صفاتـه=واجد مـن الحكـام مثـل العلايـق
شيخ الشيوخ اللـي تجـي مكرماتـه=فـي وقتهـا ياحافظيـن الحقـايـق
عمـت جميـع المسلميـن احسناتـه=رجل السلام اليـا هفـا كـل بايـق
مامثـل تاريـخـه ولا منجـزاتـه=الا انه ابيض وجه وابيـض وثايـق
الريـس اللـي وحـد السبـع ذاتـه=امخلـد امجـاد لهـا العـز رايـق
شيخ بنـى مجـده ودرس احماتـه=ابناه درع احماه عـن كـل عايـق
الاسـرة اللـي ماتخالـف وصاتـه=بالعـز مـن فـوق الثريـا توايـق
مرحوم يامن كـان مـن معجزاتـه=تحول الجـرد الصحـاري حدايـق
لوسقـت قافـي شيبـت قافيـاتـه=وباقي معاني مـدح ماهـي لحايـق
والموت لويحـرب كسرنـا شباتـه=بجموع (يااااام) اللي تـرد الوسايـق
قوم اليا دعيت على المـوت جاتـه=وتشرب حياض الموت شرب الشفايق
ماكان مـرت قبضتـه واسكراتـه=عود عليـه قلـوب الامـة فلايـق
والموت حق ومـن يـدور نجاتـه=يلحق بمن صكـت عليـه الغلايـق
امسـافـر محسـوبـه سابقـاتـه=ياهل جـوازات السفـر والبطايـق
اطـول سفـر يالله عسـى عاقباتـه=محمـودة وامـة محمـد عتـايـق
وشكـوى لغيـر الله ذل وشمـاتـه=وقبـول ظلـم امحوشيـن السرايـق
اتلا الرعاة اللـي طغـت محدثاتـه=يضحك ويرمي بالثقل في الحرايـق
والله نصر من فوق سبـع سمواتـه=موسى وفرعـون وجنـده غرايـق
ارجع إلى أغلى من فجعنـا مماتـه=عن كـل مفجـوع ثيابـه شلايـق
عـزاه ياتـلاً تدربـت حصـاتـه=تل الشموخ اللي لـه الفكـر تايـق
انشد صدير الشعـر مـن وارداتـه=ماهـوب هـرج امكثريـن اللفايـق
فقـدان زايـد مـا محـا سامياتـه=والوجد ما ينساق من غيـر سايـق

[تايه الغربه]

فقدان زايد ما محا سامياته ^^ والوجد ما ينساق من غير سايق

صــــــــــــح السان شاعر (( يام ))

ولا هنت يا ابو ســـــــــــالم

[راكان اليامي]

اررررررررررررررحب ياتايه وصح بدنك وولا انت ياذيب

[محمد أبو زيد]

راكان اليامي


صح السانك والسان ابو سلطان


ولاهنت على النقل

[كـحـيـلان]

لاهنت يابن عمي
والحقيقه قصيده جزله










@ كـحـيـلان اليامي @

[راكان اليامي]

ارررررررررررحب ياشديد البااااااااس وصح بدنك وولا انت يالسناافي

[راكان اليامي]

اررررررررررررررررررحب ياكحيلااااان وولا انت يالسنافي

وتسلم على الرد

[عـزام]

صح الساااااااااان ابن بلال والساااانك يا راكان


ولا هنت على الاختيار الرائع


الولهان

[راكان اليامي]

صح بدنك يالولهان وولا انت يالسنافي

[هند]

شيخ الشيوخ اللـي تجـي مكرماتـه=فـي وقتهـا ياحافظيـن الحقـايـق
عمـت جميـع المسلميـن احسناتـه=رجل السلام اليـا هفـا كـل بايـق
مامثـل تاريـخـه ولا منجـزاتـه=الا انه ابيض وجه وابيـض وثايـق
الريـس اللـي وحـد السبـع ذاتـه=امخلـد امجـاد لهـا العـز رايـق
شيـخ بنـى مجـده ودرس احماتـه=ابناه درع احمـاه عـن كـل عايـق

الأخ القدير ( راكان اليامي )
صح لسانك ولسان شاعر الأبيات


لاااهنت


السؤدد