قصيدة صلة الرحم

*ابوخالد* · #1 14-03-2012, 01:46 PM

يا ألادمـي بالعقـل ربـك مكرمـك
وبين لك ادروب الهـدى بالشريعـه
لك من سجد وبليس عاصي وجارمك
مابين طين ونـار صـارت نزيعـه
وكبر جهل لاصرت تعرف مغارمـك
وادم ضحيـة زلـتـه بالخديـعـه
جلا جلاله بقدرتـه كيـف حكمـك
تسعة شهور ونقلهـا بـك ذريعـه
حتى وهي في صرخة الطلق ترسمك
طفل السعد بين الفـرج والفجيعـه
وقبلت قبل اسمك مع الناس ينهمـك
ضيف(ن) على حضن الامومه ربيعه
تسألك تشعربك ترومـك وتفهمـك
تلزمـك وتزمـك ولامـن جزيعـه
وابوك كم رجل(ن) بعرفه توسمـك
يركزك قبـل أبـوك اسمـه تذيعـه
وخذ قصة اسماعيل بالبـر تلهمـك
رؤيـا منـام أبـوه لبـى يطيعـه
وابصر لمن حولك وميـزا معالمـك
فوق الخريطه لك حـدود وطبيعـه
هذاك من دونـه وهـذاك حشمـك
وهذاك عـود ولـه مكانـه رفيعـه
ووصيك لابان الحياء في مواسمـك
كن تبـي تـزرع وتحصـد نفيعـه
حرث القطاعه بالنسب لايتقاسمـك
حـذراك تشريبـه وحـذرا تبيعـه
خسران بالدارين بالصهـر يلطمـك
لك العوض وفجوج ربـك وسيعـه
عرب سليلك بالرحم لجـل يرحمـك
أعقل توكـل غيبهـا لـك وديعـه
منها ولد صالح على كبـر يخدمـك
لابان في وجـه السلامـه هزيعـه