بـــــــــدويه,,,

[النايفه]

قـالـت الله لايهـيـنـك أنـت خــابـرني بــدويـــه

مـاأحب اللي يمسـس غـترته ويـضـبط عـقـالـه



أنــــا ودي بــبـدوي(ن) يـمـشــي بدمـه حـميـه

لاتـعــزوا بــالـقــبيـلـة كلـهـم صـاروا عـيـالـــه



الـبـدوا غـالـيـن عـندي لــو حصل منهم خطيه

الــولــد فـيـهـم يـسـاوي شيخ(ن) بجاهه ومــالـه



قـلت أنــا انعم وأكـرم مــاكذبـتي يـــاأجــوديــه

سجــل الـتـاريـخ عـنـهـم الـبـطـولـه والـجـمـالـه



لـكــن الله لايـهــيــنـك لاتــنــاســيـن الـبـقــيـــه

الحـضر رجـالـهم يــاوسع صـدره وطول بــالــه



في المواقف أنشديني مــايتخـلــى عـن خــويــه

لافــزع مــاعـاد يـدري مـن وراه ومـن قبــالــه



وضيفهم يـبـشر بعــزه والـوفــى والـمـقـدريــه

كل واحــد يـسـبـق الـثـاني ولا نــدري بحـالــه



قـــالت أكبر عيب فـيني يالحضر النـرجسيـــه

مــاأظـن احــد(ن) بيــغـنيـني بطـبعه أو جمـالـه



أنــا أحــب اللــي زهــابـه حــاجتـيـن وبندقيــه

يفتخر بالـذود ويـسرح كل يــوم(ن) في حـلالــه



وإن لفاه الضيف شاف الفرق شاف الناس حيه

بدوي(ن) صـوت نجره أطرب الطرقي وعنا لـه



قلت أنــا ليــه أختلقتي فـرق وسويـتي قضيــه

الكـبر لله والــمـؤمـن ضعـيـف بــراس مالـــه



يــابدويــه الجروح اللــي من أسبـــابك نديــه

والـخفـوق اللي تـحـراء جــيـتـك يـاما جرا لــه



والعيون اللــي تمنت شـوفتك صارت شقيــه

والـفـراق اللــي بـلـيـاء ذنـب يــذبـحـني رحـالـه



قــالت الله لايـعـاقـبني أنـــا بنـت(ن) بريـــه

مـن الــسوالف كلـهـا والحب وين اللـي وفى لـه



يـــاولـد لاتـحسب إنــي جــاهله ولا غبيـــه

الـهـواء مـاهـو كـذا والـحب أنــا مـابي مجـالـه



أنا اخوي ليا قال أخو فلانه عرفت إني بدويه

تجتمع روس العـرب لـه مـن يـمـينه ومن شمالـه





لشــاعر : بندر الرشود

[عـزام]

قصيده فى قمة الروعه

تسلمين يا النايفه على الاختيار الرائع

تقبلى تحياتى:
الولهان

[النايفه]

الله يسلمك يالولهان وشاكره لك مرورك الكريم...




تحيتي,,,

[ابوحمد الشامري]

لا هنتي يا النايفة على هذه القصيدة الرائعة والاختيار الجميل صح لسانش ياالسنافية على ما اتحفتينا.

ابوحمد الشامري

[كويتي]

صــح لسانج يا النايــفه وتسلم يميــنج
ولاهنتـــي على هذي القصيــده الرائــعه

وبتنظار جديدك

كويتي

[هند]

ياسسسلالالالام


صح لسانك يالسنافية

أبيات رائعه


لك مودتى
السؤدد

[النايفه]

ابو حمد الشامري..

كويتي..

السؤدد..


صحت ابدانكم جميع..
ويعطيكم العافيه على المشاركه..




تحيتي,,,

[هند]

أختى الغالية ( النايفة )

السموحة ، كتبت السنافية بالغلط

الظاهر كنت فاتحة صفحة ثانية بنفس الوقت


آسفه مرة أخرى


السؤدد

[السياسي]

يا سلام يا سلام

لا هنتي يا النايفه على عرض هذه القصيده


السياسي

[النايفه]

اختي السؤدد مو مشكله

السياسي يعطيك العافيه على المشاركه..


تحيتي,,,