ما الذي لم يقدمه الحويلة لكم؟ لماذا هذا الجفاء

[عاشق الجمس]

السلام عليكم ورحمة الله وبركاته

نعم أنا أوجه سؤالي لكم.. ما الذي لم يقدمه الحويلة؟

المعاملات وخلصها وللبعض وليس للكل.. توظيف وغيره ما قصر

شاشات بلازما ووزعها عشان تتابعون عليها تغطية التصويت يوم 2 / 2

أكياس شانيل لزوم التعطر والتكشخ يوم تروحون تصوتون

إذا كنت شيعي وتبي تروح تحج في كربلاء والنجف ما يقصر أبو هادي

وش تبون بعد؟؟

[# أم أطياب #]

اي اي كمل

بس بشرط إذا تبيني اصدق

تحلف بالله وتقسم ان اللي كتبته صدق

والله لايهينك إذا عندك دليل مانقول لا

[سلطان المطيري]

مشكور يا راعي الجمس ولا هنت على الموضوع
لكن الغريب في الامر...كل الشارع رفض المرتشي ورفض فسادة
وبعض الناس للحين يقولون فلان من الاعضاء يخلص معاملاتنا؟؟؟
تخليص المعاملات بهالطريقة والتوظيف و و و حق من حقوقكم...واذا كان هذا عذر
تراه يوظف فلان وعلان على معاش 500...ويطلع ملايين
من تصويتكم
فالمصلحه متبادلة ولا تعتبر رد جميل...
رد الجميل اني اخليك تعطيني 500 شهريا بوظيفة جمعيه او شركه وهميه....وانت بالمقابل تستفيد من صوتي ملايين؟اي رد جميل هذا؟
ي اخوان....حق الوظيفة ابسط حقوق المواطن
امريكا بيوم واحد وفرت 50 الف وظيفه بصفقة وحده...مع دولة خليجيه؟
ودولنا للحين فيها البطالة ولا بالخيال....أقل شي اقدر اقدم للمستثمرين بالبلد امتيازات
واخليهم يفتحون شركاتهم ومشاريعهم عندي كدولة...وعن طريق مشاريعهم وشركاتهم..اوفر الوظيفة للمواطنين...نفس ماتسوي قطر والامارات
ي اخوان...حنا للحين عندنا قطاعات حساسه بالبلد...ونص اللي يشتغلون فيها هنود واجانب؟؟؟
قطاع حساس يعني المفروض يتكوْت...يعني لو اي جهه خارجية ترشي هالهندي قبل تقاعدة او المصري او او او...يقدر يدمر هالقطاع باللي فيه...واتوقع مابعد سالفة مصفاة الشعيبه ومواد التي ان تي...اللي صادوها مع عمْال هنود؟؟
ي اخوان هالعمال يستلمون معاشات عاليه...ليه ما اخلي الكويتي يتوظف مكانهم؟وشغلهم مافيه عيب كهربا وصيانه...واغلب عيالنا خريجين هالمعاهد
وغير هذا اقدر اسوي مليون الف شغله وأوظف المواطنين..
لكن الحكومة تتعمد تسوي هالشي...تتعمد وجود البطالة حتى الناس تحتاج نائب المعاملات
وتصوت له...وبالمقابل الحكومة تسد حلقة بكم مليون...وتسرق مليارات

[سلطان المطيري]

الدولة مرت بمنحنى خطير والحكومة واضح فسادها...وخلونا نتذكر وش صار أول ما مسكت هالحكومه
شيلة الدواوين....القصد منها الهاء الشعب عن مصالحه وتنميته وتقدمه...وفعلا انشغل الشعب سنة كامله وصار بس يسولف بالدواوين
بعد الدواوين....هدم مسجد الفنطاس على لجنة يترأسها شيعي...القصد منها الهاء الشعب بالطائفيه لمدى كم سنة...وفعلا لهى الشعب عن مصالحه
وبعد الهدم...ظاهرة الجويهل...القصد منها زرع الفتنه بين البدو والحضر والهاء الشعب عن الامور المهمه
وبعدها صرنا كل يوم نشوف طريقة لتشتيت الاذهان عن الاصلاح...بالشخصيات الهزلية وبالشخصيات المدفوع لها...وبالتحركات والتصرفات والسياسات
صار الشعب بدال يفكر بالتنميه...لاهي في امورة ومصايبه
وقضايا مصطنعه مالها وجود والقصد منها الهاء الشارع...مابي اعدد قضايا كثيرة لو بعددها ما خلصت
ي اخوان النواب اللي يخلصون المعاملات....المشكلة مو بس في تخليصهم المعاملات...المشكلة انهم يعطون الحكومة مجال سرق مليارات

[Abo abod]

المشاركة الأصلية كتبت بواسطة سلطان المطيري

الدولة مرت بمنحنى خطير والحكومة واضح فسادها...وخلونا نتذكر وش صار أول ما مسكت هالحكومه
شيلة الدواوين....القصد منها الهاء الشعب عن مصالحه وتنميته وتقدمه...وفعلا انشغل الشعب سنة كامله وصار بس يسولف بالدواوين
بعد الدواوين....هدم مسجد الفنطاس على لجنة يترأسها شيعي...القصد منها الهاء الشعب بالطائفيه لمدى كم سنة...وفعلا لهى الشعب عن مصالحه
وبعد الهدم...ظاهرة الجويهل...القصد منها زرع الفتنه بين البدو والحضر والهاء الشعب عن الامور المهمه
وبعدها صرنا كل يوم نشوف طريقة لتشتيت الاذهان عن الاصلاح...بالشخصيات الهزلية وبالشخصيات المدفوع لها...وبالتحركات والتصرفات والسياسات
صار الشعب بدال يفكر بالتنميه...لاهي في امورة ومصايبه
وقضايا مصطنعه مالها وجود والقصد منها الهاء الشارع...مابي اعدد قضايا كثيرة لو بعددها ما خلصت
ي اخوان النواب اللي يخلصون المعاملات....المشكلة مو بس في تخليصهم المعاملات...المشكلة انهم يعطون الحكومة مجال سرق مليارات

يابو منحني خطر وينك عن حسين مزيد طول هالسنين وينك عن اهل الصالات ولا بس تضرب بالناس اللي اطلق من شواربك الي تعجز تقابلها مغير تدسس في المنتديات ليه ماجيت المغر واجهته يابو منعطف بس ماعندكم الا الهياط

[ناصر 56]

الله يكفينا شر القيل والقال المهم متفائلون وبكم واثقون الصيفي البرغش الحويله المرداس

[كويتي]

خدمات قبل الانتخابات

1-اكادمية سعد العبدالله (ضباط-ضباط صف)
2-علاج بالخارج (٣ شهور بصيف)
3-نقل من مدرسة لمدرسة (بعد عطلة الربيع)
4-دفع مخالفات (كامرات - ممنوع الوقوف)
5-سكرتاريه (انتداب ٤ سنين)
6-سلف (حق الشيبان)
7-بلازما (٤٢ led)

[اللندني]

الله اكبر ...................

صار اللي يخدم ربعه ............... طنازه

واللي يخمل ويصد بوجهه من مقابل الرياجيل ..........سنافي .........

[عاشق الجمس]

مرحبا والله وسهلا بالجميع وأشكرك يا سلطان المطيري وكل من أثرى الموضوع

أكتفي بكلمتين وهي: الصوت أمانة

[شموخ شايبها]

لا حول ولا قوه اللى بالله

يعني الحين انتو قبل صوتو له ..طيب وش فيها لاسوا لكم معاملاته

هذا هو ماردكم ... الله يصلحكم بس يا اتطبون بالحويله واللى الطاحوووس